News Today 

मुकुटबन, दि. २४ : मुकुटबन येथील RCCPL सिमेंट कंपनीसमोर दिव्यांग बांधव व स्थानिक भूमिपुत्रांचे रोजगाराच्या मागणीसाठी सुरू असलेल्या आमरण उपोषणाच्या पार्श्वभूमीवर भारतीय जनता पार्टीचे माजी केंद्रीय मंत्री तथा OBC आयोगाचे राष्ट्रीय अध्यक्ष हंसराज अहिर यांनी २४ सप्टेंबर रोजी उपोषणस्थळी भेट दिली.

स्थानिक नागरिक व उपोषणकर्त्यांची अपेक्षा होती की, या भेटीदरम्यान त्यांनी कंपनीच्या अधिकाऱ्यांना थेट उपोषण मंडपात बोलावून समस्या सोडविण्यासाठी ठोस चर्चा केली असती. परंतु तसे न करता त्यांनी केवळ औपचारिक चौकशी करून पुढे कंपनीच्या परिसरात जाऊन अधिकाऱ्यांसोबत उपहाराचा आस्वाद घेतला. या प्रकारामुळे जनतेच्या मनात भाजपच्या प्रति मोठा उद्रेक होत आहे.

उपोषणकर्ते दिवसरात्र उपाशीपोटी न्याय मागत असताना नेतेमंडळी मात्र कंपनीच्या उपचारात सहभागी झाल्याने स्थानिकांमध्ये तीव्र नाराजीचा उद्रेक झाला. उपोषणकर्त्यांच्या म्हणण्यानुसार, “आम्ही उपाशी बसलो आहोत, आणि आमचे नेते मात्र कंपनीसोबत ‘पेटपूजा’ करत आहेत. हा आमच्या संघर्षाचा आणि भावनांचा अपमान होता.”

या घटनेने जिल्ह्यातील संपूर्ण परिसरात मोठी चर्चा रंगली असून, उपोषणाकडे दुर्लक्ष करून कंपनीशी सलगी दाखवल्याचा आरोप भाजप नेत्यांवर केला जात आहे.

आमदार संजय देरकर यांच्या मध्यस्थीने दिव्यांग यांच्या उपोषणाची सांगता. 

वणी विधानसभेचे आमदार संजय दरेकर यांनी कंपनी समोर चालू असलेले दिव्यांग यांच्या उपोषणाची सांगता तारीख २६ रोजी  केली. आर सी सी पी एल कंपनीच्या अधिकाऱ्यांना उपोषण मंडपात बोलावून दिव्यांग यांच्या समस्येवर चर्चा केली व यात बहुतांश समस्यांचा निपटारा करून उपोषणकर्त्यांना लिंबू पाणी पाजून त्यांच्या उपोषणाची सांगता केली. यावेळी राष्ट्रवादी काँग्रेस पार्टीचे वणी विधानसभा अध्यक्ष दिलीप भोयर यांचेसह  शिवसेना (उबाठा) गटाचे नेते मंडळी उपस्थित होते.

News Today 

मुकुटबन, ता. झरी (दि. २७ सप्टेंबर २०२५)
मुकुटबनच्या भूमीत गेल्या काही दिवसांपासून पेटलेल्या आंदोलनाच्या ज्वाला अखेर भडकल्या आणि शिवसेना (उबाठा) गटाच्या आमरण उपोषणाने ऐतिहासिक वळण घेतले. आरसीसीपीएल कंपनीविरोधातील ग्रामस्थांचा संताप आणि शिवसैनिकांचा निर्धार यांच्या संगमाने काल कंपनी प्रशासनाला गुडघ्यावर आणले.

आमदार देरकरांचे आक्रमक नेतृत्व
२६ सप्टेंबर रोजी सकाळी आमदार संजय देरकर यांच्या नेतृत्वाखाली हजारो शिवसैनिक रणांगणात उतरले. कंपनीच्या मुख्य प्रवेशद्वारावर प्रचंड जनसागर उसळला. वाहतूक ठप्प, पोलीस बंदोबस्त निष्प्रभ! 👉 शिवसैनिकांनी थेट कंपनीच्या कार्यालयात घुसून दणदणीत आंदोलन करून मुकुटबनच्या इतिहासात नवा अध्याय रचला.

आंदोलनाची धग मंत्रालयात पोहचली
गावकऱ्यांचा ज्वालामुखी थेट मंत्रालयापर्यंत धडकला. जिल्हाधिकारी डॉ. विकास मीना व पोलिस अधीक्षक कुमार चिंता यांनी स्वतः आमदार देरकरांना फोन करून विनंती केली – “कृपया आंदोलन शांत घ्या, आम्ही सर्व मागण्या मान्य करू आणि पूर्ण सहकार्य करु.”
👉 या फोनकॉलने आंदोलनाच्या विजयाचा शंखनाद झाला.

सत्ताधाऱ्यांचे मांजर ठरले उंदीर
याच वेळी काही अधिकारी, कर्मचारी सत्ताधाऱ्यांच्या ताटाखालचे मांजर बनून कंपनीचे समर्थन करण्यासाठी धडपडत होते. पण ग्रामस्थांचा संताप आणि शिवसेनेची जिद्द पाहून त्यांचे “माऊ-माऊ” निष्फळ ठरले.

चार तासांचा निर्णायक सामना
उपोषणकर्त्यांच्या शिष्टमंडळाने कंपनी अधिकाऱ्यांसोबत तब्बल चार तास चर्चा केली. शिवसैनिकांचा दबाव, आमदार देरकरांची ठाम भूमिका आणि ग्रामस्थांची तडफ पाहून अखेर कंपनी प्रशासन झुकले. 👉 सर्व मागण्या मान्य झाल्याची घोषणा होताच उपोषण स्थळावर जल्लोषाचा महापूर उसळला.

शिवसैनिकांची विजयी रणधुमाळी
या लढ्यात नेताजी पारखी, संदीप विंचू, संकेत गझलवार, संतोष माहुरे, सतीश आदेवार, सितारामजी पिंगे, दया कर गिराम, विजय पनघंटीवार, अशोक बरपटवार, शिवशंकर ठाकरे, सुभाष पारखी, संतोष लढांगे, सुभाष भगत, विनोद चिंतावर यांच्यासह हजारो शिवसैनिकांनी खांद्याला खांदा लावून सहभाग घेतला.

मुकुटबनचा नवा इतिहास
शिवसेनेच्या या विजयाने ग्रामस्थांचा आत्मविश्वास उंचावला आहे. कंपनी प्रशासन गारद झाले, तर गावोगाव “मुकुटबनच्या लढ्याचा” जयजयकार सुरू आहे.
👉 हे आंदोलन मुकुटबनच्या इतिहासात सुवर्णाक्षरांनी कोरले जाईल, यात तिळमात्र शंका नाही!

आंदोलनाला यशस्वी करण्यासाठी

जिल्हाप्रमुख संजय निखाडे, संतोष माहुरे, दिपकभाऊ कोकास, सुधीर थेरे, अजिंक्य शेंडे, विनोदभाऊ उप्परवार, तालुकाप्रमुख सतीश आदेवार, संतोष कुचनकार, पुरुषोत्तम बुट्टे, संजय बिजगुणवार, बंडू गुरणुले, संगीत भुजबलराव, सुरेखाताई भोयर, समता माहुरे, मनिषा वऱ्हाटे, कविता भगत, मायाबाई मंगाम, सतीश पचारे, देवाजी बोबडे, सीताराम पिंगे, विजय पनगंटीवार, दयाकर गेडाम, दुष्यांत उपरे, अशोक पंधरे, मंगेश मोहितकर, अतुल निखाडे, अशोक कल्लूरवार, अशोक बरपटवार, नेताजी पारखी, संतोष लेडांगे, शिवशंकर ठाकरे, बालू दुधकोहळे, राजु आसुटकर, संतोष बर्डे, शेख हसन, शेख अहमजद, अतुल विधाते, सुभाष भगत, महेंद्र आवते, विनोद धोटे, विशाल ठाकरे, संतोष सासनवार, शेख आसिफ, प्रविण आसुटकर, संजय आसुटकर, प्रकाश खिरटकर, किशोर गोल्लावार, किसन पाटील गावंडे, मनोहर ताजने, मधूकर ठाकरे, प्रविण खडसे, राकेश गोंडलावर, शंकर ठाकरे, पांडुरंग खडसे, दुर्गे पाटील, संतोष नेल्लावार, बळवंत देवलवार, अशोक गालेवार, पांडुरंग पाईलवार, नेताजी पारखी, संदीप विच्चू, संकेत गज्जलवारयांचेसह शेकडो शिवसैनिकांनी परिश्रम घेतले या आंदोलनात हजारोच्या संख्येनी पुरुष व महिला उपस्थित होत्या

ग्रामगीता तत्त्वज्ञानाचार महायज्ञ व पालखी पदयात्रा शिबिर महोत्सवाचे आयोजन

News Today 

गुरुकुंज मोझरी (जि. अमरावती) :
राष्ट्रसंत श्री तुकडोजी महाराज यांच्या पुण्यतिथीनिमित्त यावर्षीही श्री गुरुदेव अध्यात्म गुरुकुल, गुरुकुंज मोझरी येथे विविध कार्यक्रमांचे भव्य आयोजन करण्यात आले आहे. ९ ते ११ ऑक्टोबर २०२५ दरम्यान होणाऱ्या या पुण्यतिथी महोत्सवात “ग्रामगीता तत्त्वज्ञानाचार महायज्ञ” व “पालखी पदयात्रा शिबिर महोत्सव” या प्रमुख कार्यक्रमांचा समावेश असून देशभरातील श्रद्धाळू व अनुयायांनी यात सहभागी व्हावे, असे आवाहन आयोजकांनी केले आहे.

विविध विषयांवर मार्गदर्शन

शिबिर महोत्सवात समाजजीवनाशी निगडित महत्त्वपूर्ण विषयांवर सत्रे आयोजित केली जाणार आहेत. त्यामध्ये “ग्रामगीता प्रणित आदर्श गाव निर्माण संकल्प”, “ग्रामसभा व नागरिकांचे अधिकार व कर्तव्य”, “ग्रामनाथांच्या समस्या व उपाय” यासारख्या ग्रामविकासाशी संबंधित सत्रांचा समावेश आहे. तसेच “सर्वधर्म समन्वय संमेलन”, “अनिष्ट रूढी तोडणाऱ्यांचा सत्कार”, “युवक संमेलन”, “महिला संमेलन” व “सप्तखंजरी वादक समाज प्रबोधन” या कार्यक्रमांद्वारे समाजजागृती घडवून आणली जाणार आहे.

मौन श्रद्धांजलीचा विशेष क्षण

पुण्यतिथी महोत्सवातील विशेष कार्यक्रम म्हणून शनिवार, ११ ऑक्टोबर रोजी दुपारी ४ वाजून ५८ मिनिटांनी राष्ट्रसंत तुकडोजी महाराज यांना मौन श्रद्धांजली अर्पण करण्यात येणार आहे. यावेळी उपस्थित भाविकांनी दोन मिनिटे मौन पाळून राष्ट्रसंतांना अभिवादन करावे, असे आवाहन करण्यात आले आहे.

सामाजिक–आध्यात्मिक सोहळा

राष्ट्रसंत तुकडोजी महाराज यांनी आपल्या “ग्रामगीता” या ग्रंथामध्ये ग्रामविकास, नैतिकता, सर्वधर्म समन्वय आणि सामाजिक परिवर्तनाचे विचार मांडले आहेत. त्यांचा वारसा जपण्यासाठी आणि नव्या पिढीपर्यंत पोहोचवण्यासाठी हा पुण्यतिथी महोत्सव महत्त्वाची भूमिका बजावत असल्याचे आयोजक मंडळाने सांगितले.

या अध्यात्म–सामाजिक सोहळ्यात सहभागी होऊन राष्ट्रसंतांच्या कार्याचा प्रत्यक्ष अनुभव घ्यावा तसेच कार्यक्रमांची माहिती सोशल मीडियाच्या माध्यमातून अधिकाधिक लोकांपर्यंत पोहोचवावी, अशी नम्र विनंती आयोजकांनी केली आहे.

जनतेचा संताप उफाळला : “हा निधी कागदावरच खर्च झाला की काय?”

News Today

वणी :- विधानसभा मतदारसंघात मागील दहा वर्षांत तब्बल १७३३ कोटी विकास निधी आल्याचा दावा माजी आमदारांकडून करण्यात आला. मात्र वास्तव इतके भयावह आहे की गावोगावी खड्ड्यांनी भरलेले रस्ते, पावसात वाहणाऱ्या वर्गखोल्या, पाण्यासाठी आणि वीजेसाठी तडफडणारे शेतकरी, तर बेरोजगारीसोबत झुंजणारे तरुण – एवढेच लोकांच्या पदरी पडले. त्यामुळे वणीकरांचा संताप ऊफाळून आला असून, “१७३३ कोटी कुठे गाडले?” असा थेट सवाल चौकाचौकात घुमतोय.

रस्त्यांवर खड्ड्यांचा महास्फोट

वणी–कोरपना राज्य मार्गाची अवस्था ‘मृत्यूचा सापळा’ म्हणून लोक ओळखू लागले आहेत. खोल खड्डे आणि खोलीसमान गटारांमुळे अपघातांचं प्रमाण वाढलं आहे. इतकेच नव्हे तर चंद्रपूर–मुकुटबन बससेवाही थांबवावी लागली. प्रवाशांना हजारो रुपयांचा खर्च करून खाजगी प्रवास करावा लागत आहे.

शिक्षण ठप्प, शाळा उध्वस्त

उच्चशिक्षणाचे मोठे दावे करण्यात आले; पण दहा वर्षांत एकाही नवीन महाविद्यालयाचा शिलान्यास झाला नाही. ग्रामीण शाळांमध्ये वर्गखोल्यांचे छप्पर गळते, पावसाळ्यात मुले पिशव्या नव्हे तर बादल्या घेऊन बसतात. मुलांच्या भवितव्याशी असा निर्दयी खेळ हेच का विकासाचं चित्र?

शेतकरी उध्वस्त – सिंचन गायब

निधीच्या नावाखाली मोठ्या जाहिराती केल्या गेल्या, पण सिंचन प्रकल्प कागदावरच अडकले. शेतकऱ्यांना वीजपुरवठा अपुरा, पंप बंद, पिकं नष्ट; अशा परिस्थितीत शेतकरी हताश झाला आहे. निधीतून शेतकऱ्यांना दिलासा मिळालाच नाही.

तरुणांची पळवाट – बेरोजगारी पसरली

रोजगारनिर्मितीसाठी एकही ठोस प्रकल्प उभा राहिला नाही. मोठ्या उद्योगांचेच नव्हे तर छोटे व्यवसायिक प्रकल्पही सुरू झालेले नाहीत. त्यामुळे तरुणांना रोजगारासाठी नागपूर, पुणे, मुंबईकडे पलायन करण्यावाचून पर्याय उरलेला नाही.

नागरिकांची घणाघाती टीका

स्थानिक लोकांचा आवाज आज ठाम आहे –
“माजी आमदारांनी फक्त बिगाऱ्याच्या गाढवाला पिसं लावल्यासारखे दाखवे केले. १७३३ कोटींचा गौऱवगीत गायलं, पण आम्हाला खड्ड्यांशिवाय काहीच दिसलं नाही. आमच्या स्वप्नांचा, विकासाचा आणि भविष्याचा सुद्धा खड्डाच खोदला!”

अंतिम सवाल

दहा वर्षांत ‘१७३३ कोटींचा गाजावाजा’ झाला, पण वणीकरांना मिळालं काय? उद्ध्वस्त रस्ते, ढासळलेली शिक्षणसंस्था, शेतीचं विनाश आणि बेरोजगारांचे टोळके. त्यामुळेच आज एकच आक्रोश ऐकू येतोय—
“१७३३ कोटी कुठे गेले, कोणाच्या खिशात गेले?”असा प्रश्न जनतेच्या मनात निर्माण झाला आहे.