News Today 

दिलीप भोयर

वणी :- येथील छ. शिवाजी महाराज चौकात EVM ठेवलेल्या गोदामाजवळ संशयास्पद इलेक्ट्रॉनिक साहित्य भरलेले वाहन आढळताच ते वाहन पोलिस स्टेशनला जमा करण्यात आले आहे. या वाहनाची झडती घेतली असता त्या वाहनाचे अनेक दस्त देखील बोगस आहे. या पकडण्यात आलेल्या वाहनाची माहिती शहरात पसरताच शहरातील व ग्रामीण भागातील हजारो युवकांनी पोलिस स्टेशन परिसरात बग्याची गर्दी केली. या गर्दीला पांगविण्यासाठी पोलिसांची देखील चांगलीच धावाधाव झाली. एकंदरीत सर्व प्रकार लक्षात घेवून शिवसेना (उबाठा) गटाकडून EVM गोदामापुढील दोन्ही  दारासमोर CCTV कॅमेरे व कार्यकर्त्यांचा खडा पहारा सुरू केला आहे. 

राज्यात निवडणूक संपन्न होताच सर्व उमेदवारांचे भाग्य व मतदारांचे हक्क अधिकार इलेक्ट्रॉनिक वोटिंग मशीन मध्ये बंद झाले आहे. हे इलेक्ट्रॉनिक मशीन एक सॉफ्टवेअर शिष्टम पद्धतीने अपडेट असल्याने या evm मशीनचा वापर धोकादायक असल्याचे अनेक वैधानिक व प्रगत देशाचे मत आहे. अमेरिका सारखा देश कागदी मत पत्रिकेवर मतदान प्रक्रिया पूर्ण करीत आहे. परंतु भारत असा देश आहे की तो या मशीनने मतदान प्रक्रिया राबवित आहे. त्यामुळे या evm मशीन बाबत जनसामान्य नागरिकांमध्ये विश्वासार्हता गमावली आहे.

काल ता. २१ रोजी रात्री ८ वाजताच्या सुमारास संशयास्पदरित्या आढळलेल्या वाहनातील इंटरनेट व मोबाईल क्षेत्राशी जुळलेले साहित्य आढळले असून त्या वाहनाचे कोणतेही दस्त सुरळीत नव्हते. त्याच बरोबर हे तांत्रिक बाबीसी जुळलेले साहित्य असल्याने पोलिस प्रशासनाला याची कोणतीही ठोस पुष्ठी करता आली. शेवटी BSNL कंपनीच्या अभियंत्याला बोलवून  त्या साहित्याची पुष्टी करण्यात आली परंतु त्यांना देखील कोणत्याही निर्णयापर्यंत जाता येत नव्हते. त्यामुळे जिल्हा पातळीवरून अभियंते बोलविण्याचे पोलिस प्रशासनाकडून ठरविण्यात आले. या प्रकारांची उचित चौकशी करून कारवाई करण्यासाठी संजय देरकर यांनी तक्रार नोंदविली आहे. 

त्यामुळे तांत्रिक बाबिमध्ये कोणीही निपुण नाही. म्हणून महाविकास आघाडीकडून शिवसेना उबाठा गटाचे उमेदवार संजय देरकर व त्यांच्या सहकाऱ्यांनी evm ठेवलेल्या गोदामापुढे व्यक्तिगत cctv कॅमेरे व युवा सेनेचे अजिंक्य शेंडे यांच्या नेतृत्वात काही कार्यकर्त्यांना खडा पहारा देण्यासाठी तैनात केले आहे. हे कार्यकर्ते दोन दिवस पाहा देतील. 

News Today 

दिलीप भोयर

वणी :- येथील छ. शिवाजी महाराज चौकात evm असलेल्या गोदामजवळ बोगस दस्त असलेले वाहन संशयास्पद आढळले व ते पोलीसात जमा करताच भाजप जिंकतील अश्या लावलेल्या करोडीच्या शर्यती अचानक सट्टा बाजारातून रद्द व्हायला लागल्या आहे. अशी चर्चा वाऱ्यासारखी पसरली आहे.

ता. २० नोव्हेंबर संपन्न झालेल्या राज्यातील विधानसभेच्या निवडणुकीचा निकाल येत्या २३ रोजी लागणार असून जनतेतून महाविकास आघाडीचे वातावरण असताना आज सकाळ पासून भाजप निघतील अश्या पद्धतीच्या शर्यती सट्टा बाजारात सुरू झल्या होत्या यावर सट्टेबाजांनी भाजपचे दर पाडून भाजपला शर्यतीत आणले होते.

परंतु evm मशीन ठेवलेल्या गोदामजवळ संशयास्पद वाहन इलेक्ट्रिक साहित्यासह आढळले व ते पोलीसात जमा करताच भाजप जिंकते म्हणणारे सट्टेबाज अचानक करोडो रुपयाच्या शर्यती कॉल करून परत करायला लागले आहे. अशी माहिती पोलिस स्टेशन समोर जमलेल्या हजारो लोकांमध्ये सुरू होती. 

सदर संशयास्पद वाहन पोलिस स्टेशन मध्ये कारवाईसाठी लावताच सर्च उमेदवार पोलिस स्टेशनमध्ये हजर झाले परंतु भाजपचे कोणतेही प्रतिनिधी मात्र उपस्थित झाले नाही हे विशेष. 

शिवसेना (उबाठा) चे उमेदवार संजय देरकर व कार्यकर्त्यांनी वाहनाची झडती घेतली असता उघड झाला प्रकार

NEWS TODAY

दिलीप भोयर

वणी :- नुकतीच निवडणूक संपन्न झाली असून वणीच्या छ. शिवाजी महाराज चौका समोरील उभारलेल्या इलेक्ट्रिक वोटिंग मशीन ठेवलेल्या स्ट्रांग रूम जवळ एक वाहन मागील ३ ते ४ तासांपासून संशयास्पद उभ असल्याचे शिवसेना उबाठा गटाचे उमेदवार संजय देरकर व त्यांचे कार्यकर्त्यांनी तपासणी केली असता त्यानं इलेक्ट्रॉनिक साहित्य भरलेले होते. त्या वाहनाचे कोणतेही दस्त सुरळीत नव्हते त्यामुळे या वाहनाला वणी पोलिसांच्या हवाले करण्यात आले आहे.

स्ट्राक रूम जवळील १०० मीटर अंतरावर सक्त सुरक्षा असताना देखील महिंद्रा बोलेरो पीक ॲप वाहन क्रमांक एम. एच. १४ एल बी. ९०१७ हे पूर्ण पॅक असलेले वाहन मागील अनेक तासापासून स्ट्राग रूम जवळ उभ होत. त्या वाहनावर शिवसैनिकांनी नजर गेली आणि त्या वाहनाची चौकशी केली असता त्या वाहनात इलेक्ट्रॉनिक साहित्य भरलेले आढळले. ते साहित्य नेमक कुठ कशाच आहे. कुठ द्यायचे आहे. याची कोणतीही माहिती नाही.

त्याच बरोबर सदर वाहनाचे कोणतेही दस्त सुरळीत नव्हते. त्यामुळे या वाहनावर शंका बळकावली असता शिवसेना (उबाठा) गटाचे उमेदवार संजय देरकर, उपजिल्हाप्रमुख संजय निखाडे, दिलीप भोयर, शरद ठाकरे, अजिंक्य शेंडे, यांचेसह असंख्य कार्यकर्ते जमले व त्यांनी सदर वाहन पोलिसांना पाचारण करून त्यांना पुढील तपास पोलीस उपविभागीय अधिकारी गणेश कींद्रे यांचे मार्गदर्शनाखाली पोलीस निरीक्षक अनिल बेहरणी व त्यांचे सहकारी करीत आहे. याबाबत शहरात मात्र उलट सुलट चर्चेला  पेव फुटलं असून बघता बघता पोलिस स्टेशन समोर हजारो नागरिक जमा झाले होते.

जमलेल्या नागरिकांना सांभाळताना  पोलिसांची मात्र तारांबळ उडाली होती. वृत्त लिहेपर्यंत सदर वाहनातील साहित्य हे कोणते आहे व कोणत्या कामाच्या वापरासाठी आहे. यावर मात्र कोणताही निष्कर्ष निघाला नाही. असे तीन वाहन शहरात असल्याची चर्चा आहे.

News Today 

दिलीप भोयर

वणी :- येथील भाजपाचे आमदार बोदकुरवार यांनी काल तारीख १८ रोजी आपले शक्ती प्रदर्शन दाखविण्यासाठी ( पेड पब्लिक) मजुरांचा वापर केल्याचे उघडपने झळकले असून ज्या लाडक्या बहिणींना मजुरीने बोलविले होते, त्यांच्या मजुऱ्या न मिळाल्याने त्यांनी आज सायंकाळी ८ वाजताच्या सुमारास शेकडो महिनांनी त्यांच्या घरासमोर मजुरीसाठी गर्दी केल्याने काल निघालेल्या रॅलीचे पितळ उघड पडले आहे.

आ. बोदकुरवार यांनी नामांकन अर्ज दाखल करण्यासाठी तेलंगणातील जनतेला बोलवून गर्दी दाखविण्याचा प्रयत्न केला होता तेव्हा पासून त्यांची पीछेहाट सुरू झाली होती. त्यानंतर त्यांच्या निवडणूक प्रचार कार्यालयाच्या शुभारंभ प्रसंगी त्यांच्याच एका पदाधिकाऱ्याने कुणबी समाजा बद्दल अभद्र टीपणी केल्यामुळे संपूर्ण भारतीय जनता पार्टी वादात अडकली होती. 

बघा लिंक उघडून व्हिडिओ

https://www.facebook.com/share/v/1Dy7V36Ps5/

त्यानंतर गावागावांतील प्रचारादरम्यान आ. बोदकुरवार यांची मतदारांनी अडवणूक करून विकासाबाबत प्रश्न विचारून घाम फोडला तर काही गावातून चक्क हाकलून लावण्यात आले होते. त्यामुळे बोदकुरवार यांच्या प्रचारसभेकडे भाजपच्या वरिष्ठ नेत्यांनी वणी येथे येण्यासाठी चक्क नकार दिला, त्यामुळे त्यांचेवर हैद्राबाद येथील ३ लाख ४० हजाराने पराभुत झालेल्या माधवी लता यांना बोलवून सभा संपन्न करावी लागली. 

मागील १० वर्षापासून विधानसभा सदस्य असलेले बोदकुरवार हे स्वतःला विकास पुरुष म्हणून संबोधित होते. तरी देखील राज्यातील कोणत्याही नेत्यांनी बोदकुरवार यांना प्रचार सभा न देणे म्हणजे हा एका संशोधनाचाच भाग झाला होता. मग या विकास पुरुषाला त्यांच्याच पक्षातील नेत्यांनी भकास का करावे अशी जोरदार चर्चा रंगत आहे.  

लाजे खातर कोणी तरी बाहेरून प्रचार सभेला बोलवावे लागेल अश्या कार्यकर्त्यांच्या हट्टाला धरून शेवटी हैद्राबाद येथील माधवी लता या स्वतः विधानसभा निवडणुकीत ३ लाख ३८ हजाराच्या मताने पराभूत झाल्या होत्या. त्यांना बोदकुरवार यांनी आपल्या विजयासाठी सभेला आणल्याने हैद्राबाद येथील फुसका बार वणीत आवाज करणार का ? अश्या चर्चा रंगायला लागल्या होत्या. 

तारीख १८ रोजी बोदकुरवार आपली प्रचार सभा आयोजित केली या सभेला जोरदार शक्ती प्रदर्शन दाखवायला जनतेची गरज असते. त्यासाठी मतदार संघातून कोणताही मतदार सभेला येणार नसल्याचे चित्र दिसत असल्याने भाजपने शक्कल लढवीत वणी शहरातील गोर गरीब महिलांना ५०० रुपये रोजी प्रमाणे हजारो महिलांना बोलाविण्यात आले. 

या महिलांना गोळा करण्यासाठी एजंटचा वापर करण्यात आला व एजंट कडूनच त्यांना त्यांची रोजी ठरवून मजूरी देण्याचे ठरले परंतु त्या एजंटने महिलांना मजूरी न देताच त्यांना वाऱ्यावर सोडले. त्यामुळे संतप्त झालेल्या महिलांनी चक्क बोदकुरवार यांचे घर गाठले. त्यामुळे कालच्या रॅलीतील जनसमुदाय जा मजुरीचे गोळा केल्याचे बिंग फुटले. घरी महिलांची गर्दी गोळा होताच बोदकुरवार यांनी आपला पाय काढता करून बाहेर निघून गेल्याची माहिती आहे….

एकूणच प्रचार कार्यालयाच्या उद्घाटना प्रसंगी झालेल्या घटनेने, सुरु झालेला अपशकून, गावागावातून आमदारांना हाकलून लावने, फलक फाडणे या घटना हया पराभवाची नांदी असल्याची चर्चा सर्वत्र होत आहे.

बघा लिंक उघडून व्हिडिओ

https://www.facebook.com/share/v/14bTspxArV/

News Today 

दिलीप भोयर

वणी – आगामी विधानसभा निवडणुकांच्या पार्श्वभूमीवर, भाजपा व संघाच्या काही पदाधिकाऱ्यांनी मतदानाच्या एक दिवस अगोदर आज दिनांक १९ रोजी सकाळी १० वाजताच्या सुमारास वणी येथील गोकुळ नगरातील एका घरी  पैसे वाटण्याचा धक्कादायक प्रकार घडला आहे. या प्रकारचा व्हिडिओ समाज माध्यमावर वायरल झाला आहे. त्यामुळे वणी विधानसभा मतदार संघात मोठी खळबळ उडाली आहे. या घटनेची निवडणूक आयोग दाखल घेवून कारवाई करणार की भाजपची पाठराखण करणार याकडे मतदारांचे लक्ष लागले आहे. 

सर्वपक्षीय निवडणुकांमध्ये आचारसंहिता लागू असताना, एका व्हायरल व्हिडीओमध्ये भाजपाच्या स्थानिक नेत्यांनी काही मतदारांना गठ्ठा मतडारलन खरेदीसाठी बोली बोलल्या जात आहे.   या व्हिडीओमुळे यवतमाळ जिल्ह्यात सध्या मोठा वाद निर्माण झाला आहे. व्हिडीओमध्ये मतदारांना तात्काळ पैसे देण्याचा स्पष्ट दृश्य आहे.

या प्रकरणामुळे निवडणूक प्रक्रियेच्या शुद्धतेवर मोठे संकट आले आहे. मतदानाच्या आचारसंहितेचे पालन करण्यासाठी अनेक पातळीवर मोठ्या प्रमाणावर यंत्रणा कार्यरत असताना, अशा प्रकारच्या आरोपांनी निवडणुकांच्या पारदर्शकतेला गंभीर धक्का बसलेला आहे. या व्हिडिओची सत्यता पळतळणी करून उचित कारवाई करण्याची जोरदार मागणी मतदारांकडून केली जात आहे. 

बघा व्हिडिओ

https://youtube.com/shorts/NgtULL2kGXo?si=OirmnGmRd3WJ3X8c

आमदार बोदकुरवार यांचा खोटारडेपणा उघड झाल्याने मतदारांत रोष

News Today 

प्रतिनिधी

वणी : वणी-वारोरा रेल्वे पूलाच्या बांधकामावरून भाजपा आमदाराने केलेल्या चुकीच्या दाव्याला सोशल मीडियावर मोठा प्रतिसाद मिळाला आहे. आमदाराने आपल्या प्रचार सभेत सांगितले की, पुलाचे काम पूर्ण झाले असून तो जनतेसाठी उघडला आहे, परंतु प्रत्यक्षात तो पूल अजूनही बांधकामाच्या टप्प्यात आहे. तरी देखील खोटे बोलून मतदारांची दिशाभूल केल्या जात असल्याचे आरोप होत आहे. आ. बोदकुरवार यांच्या फसव्या विकासावर निवडणुकीची धुरा असून या खोट्या प्रचाराला मतदार मात्र बळी पडणार नाही अश्या बोचक्या प्रतिक्रिया उमटत आहे.

या दाव्याचा एक पोस्ट इंस्टाग्रामवर केल्यानंतर त्याला 20,000 हून अधिक व्ह्यूज मिळाले आहेत. या पोस्टमध्ये आमदाराने पूलाच्या कामाची “पूर्णता” दाखवली होती, पण सत्य परिस्थितीतील फरक लोकांच्या लक्षात येताच सोशल मीडियावर वाद निर्माण झाला.

काही लोकांनी या चुकीच्या माहितीचा निषेध केला आहे, तर दुसरे लोक या पोस्टच्या आधारे राजकीय प्रचारावर प्रश्नचिन्ह उपस्थित करत आहेत. सोशल मीडियावर चर्चा होणे हे दर्शवते की, नागरिक आता सत्यतेची मागणी करत आहेत.

तथ्याची पूर्तता होण्यासाठी स्थानिक प्रशासन आणि संबंधित पक्ष यांच्याकडून अधिक माहितीची अपेक्षा केली जात आहे.

जो पुल वणी वरोरा मार्गावरील रेल्वे गेटवर उडान पूल म्हणून बांधकाम पूर्ण झाले असे दाखवित आले आहे. याबाबत सत्यता पडताळणी केली असता तो पुल खातेरा येथील पैनगंगा नदीवरील आहे . त्यामुळे आ. बोदकुरवार यांचा विकास तोंडघशी पडला आहे. 

वणी वरोरा रेल्वे गेट

News Today 

दिलीप भोयर

वणी : निवडणुकीच्या पार्श्वभूमीवर, एक नवीन राजकीय कुटनीती समोर आली आहे. भाजपचे आमदार बोदकुरवार आणि एक स्वतंत्र उमेदवार यांच्या प्रचारासाठी इंस्टाग्राम वरील विशिष्ट काही पेजचा वापर केला जात आहे. या पेजवर दोन्ही उमेदवारांचे पोस्ट आणि फोटो एकत्रितपणे शेअर केले जात आहेत. त्यामुळे आ. बोदकुरवार समर्थीत इन्स्टाग्राम पेजेस जसे 1)wanikar_zone _01, 2) waninews updates, 3) maregao_wale 4)cityhubmedia_01 यांना IT CELL नी रसद पुरवून अपक्षाची “शिट्टी” वाजवायला लावली आहे, अशी चर्चा जनसामान्यात रंगली आहे. 

हा घ्या पुरावा बघा लिंक उघडुन 

https://www.instagram.com/wanikar_hub_01?igsh=ZDQ0enpibWZuMHY=

विशेष म्हणजे, स्वतंत्र उमेदवार आणि विरोधी पक्षाचा उमेदवार हे दोघेही समान जातीसंबंधी असलेले आहेत. त्यामुळे, भाजप या रणनीतीचा उपयोग करून विरोधी पक्षाच्या उमेदवाराची मतं सोशल मीडियाच्या माध्यमातून विभागाणीसाठी कूटनीतीचा पुरेपूर वापर करत असल्याचे इन्स्टा वरील विशिष्ट पेज वरून प्रसिद्ध होत असलेल्या पोस्टमुळे मतदारांना जाणीव होत आहे. त्यामुळे भाजपाच्या फुकणीवर ही “शिट्टी” वाजत असल्याने यांच्या छुप्या युतीचा बुरखा फाटला आहे असे बोलल्या जात आहे.

हा घ्या दुसरा पुरावा लिंक उघडून बघा

https://www.instagram.com/waninewss?igsh=MWl6b2t6MDI2c3J3cg==

राजकीय विश्लेषकांच्या मते, हे एक प्रकारचे गूढ कुटनीतिक चाल आहे, ज्याद्वारे पक्ष ‘अपक्ष’ आपल्या विरोधकांच्या मतांचा धावा करणे व त्या मतांमध्ये कटौती करण्याचा ध्यास घेत आहे. मात्र या प्रकारच्या प्रचारामुळे निवडणुकीतील जातीय समीकरणांवर प्रश्न उपस्थित होत आहे. 

बघा फोटो झूम करून

इंस्टाग्रामवर दोन्ही उमेदवारांचा प्रचार एकत्र करून, पक्ष ‘अपक्ष’ ने त्यांचा मुख्य उद्देश्य विरोधकांचा प्रभाव कमी करण्याचा ठेवला आहे. या प्रचाराच्या पद्धतीचे परिणाम निवडणुकीच्या निकालावर काय होतात हे पाहणे महत्त्वाचे ठरेल, आणि त्यामुळे सर्व सुज्ञ मतदारांनी आपल्या अमूल्य मतांचा योग्य वापर करणे अनिवार्य झाले आहे.

हा घ्या तिसरा पुरावा लिंक उघडून बघा 

https://www.instagram.com/maregaon_wale?igsh=MWZoZTdvYXpwa3dzdQ==

या विधानसभा निवडणुकीत महाविकास आघाडीची ताकद प्रचंड मोठी होवू शकते या दृष्टीने अगोदरच भाजपच्या IT CELL ने संयुक्त प्रचार करण्याचा कुटनितीक खेळ रचला असावा यासाठीच “शिट्टीचा” जन्म झाला काय ? अशी चर्चा रंगली आहे.

     संजय देरकर यांना मतदान करण्याचे आवाहन

प्रतिनिधी
वणी :- येथील जिल्हा परिषद कॉलनीतील हनुमान मंदिराचे सभागृहात आज ता. १७ रोजी सायंकाळी ७ वाजता झालेल्या सकल कुणबी समाजाच्या बैठकित तीन मुद्यावर सविस्तर चर्चा करून एकमताने सर्वांनी विचारविनिमय करून चर्चेअंती महाविकास आघाडीचे उमेदवार संजय देरकर यांना जाहीर पाठिंबा घोषित करण्यात आला आहे.

वणी विधानसभा क्षेत्रातून महाविकास आघाडीचे उमेदवार म्हणून संजय निळकंठ देरकर हे निवडणूक लढवीत आहे. ह्या मतदार संघातील वणी, मारेगाव, झरी तालुक्यात शेतकऱ्याची संख्या लक्षणीय असून बहुसंख्य शेतकरी हे सर्व शाखेतील कुणबी समाजाचे आहे. आज रोजी सरकारच्या शेतकरी विरोधी धोरणामुळे शेतकरी डबघाईस आला आहे. शेतीचे प्रश्न, बेरोजगारी, महागाई, कोळसा खाण प्रकल्प ग्रस्तांचे गंभीर प्रश्न आ वासून उभे आहे.

ह्या सर्व प्रश्नांवर रामबाण उपाय म्हणून महाविकास आघाडीचे सरकार राज्यात स्थापन करणे अनिवार्य आहे. असा झंझावात संपूर्ण मतदार संघात निर्माण झाला आहे. करिता सकल कुणबी समाजाने संयुक्तरित्या बैठकीचे आयोजन करून पुढील मुद्यांवर चर्चा केली. यातील मुद्दा क्रमांक १. अपक्ष उमेदवार नामांकन मागे घेण्यासाठी समाज बांधवांनी नामांकन मागे घेण्याची विनंती केली असता त्यांनी ती धुडकावून लावली व आपली उमेदवारी कायम ठेवली.

मुद्दा क्रमांक २. कोणत्याही उमेदवाराला पक्षाच्या बांधिलकी शिवाय निवडून येणे अशक्य आहे व पक्षा शिवाय सरकार कडून विकासाकरिता पर्याप्त निधी उपलब्ध होऊ शकत नाही.

मुद्दा क्रमांक ३. भारतीय जनता पार्टीच्या पदाधिकाऱ्याने सकल कुणबी समाजाबद्दल आमदार समक्ष अभद्र टीपणी करून समाजाच्या भावना दुखावल्यामुळे कुणबी समाज हा भाजपा पासून दुरावला आहे. केवळ समाजाचा उमेदवार आहे म्हणून पाठिंबा नाही तर सर्व व्यापक दृष्टीने विचार करून सर्वाणू मते एकमताने ठराव घेवून महाविकास आघाडीचे उमेदवार संजय देरकर यांना सकल कुणबी समाजाच्या वतीने जाहीर पाठिंबा घोषित करून निवडून आणन्याकरिता आवाहन केले आहे.

यावेळी बैठकीचे अध्यक्ष म्हणून माजी कुलगुरू डॉ. भालचंद्र चोपणे, तर प्रमुख उपस्थित ऍड. पुरुषोत्तम सातपुते, वणी येथील कुणबी समाजाचे अध्यक्ष मंगेश रासेकर, ज्येष्ठ समाज बांधव जयसिंग पाटील गोहोकर, मोरेश्वर वासेकर, एन. डी. सोमलकर, जगदीश ढोके, भद्रावती येथील कुणबी समाजाचे अध्यक्ष पांडुरंग टोंगे, मुकुटबन सुनील ढाले, ऍड. घनश्याम निखाडे, शैलेश ढोके, गुलाब आवरी, इंजी. कुंडलिक ठावरी,अंबादास वाघदरकर,प्रा. अनिल डहाके, पंकज पिदूरकर, राहुल खारकर, रवींद्र गौरकार, आनंद घोटेकर, नंदकुमार भोंगळे, संजय आ, प्रकाश पाकमोडे, भाउराव पाचभाई, गजानन जीवतोडे, जी. के. टोंग साहेब,  अभय साहेब पानघाटे, सुरेश राजूरकर आदी समाज बांधव उपस्थित होते. या सभेचे सूत्र संचलन व आभार प्रदर्शन रुद्रा पाटील कुचनकर यांनी केले.

1. संजय देरकर यांचे शक्ती प्रदर्शनात उपस्थित झालेला विशाल जनसमुदाय

आता संजय देरकरच फिक्स आमदार खा. संजय देशमुखांनी व्यक्त केला आत्मविश्वास

News Today
दिलीप भोयर
वणी :- येथील महाविकास आघाडीचे उमेदवार संजय देरकर यांच्या प्रचारार्थ आज ता. १७ रोजी दुपारी २ वाजता वणी शहरातून निघालेल्या महा विराट रॅलीने सर्व मतदारांचे लक्ष वेधले असून विजयाचा शंखनाद वाजला आहे अशी चर्चा वणी विधानसभेत रंगायला लागली आहे. आणि पुढचे आमदार संजय देरकर हेच होणार आहे. आणि राज्यात महविकास आघाडीची सत्ता बसणार आहे. असा आत्मविश्वास यवतमाळ – वाशिम मतदार संघाचे खासदार संजय देशमुख यांनी आपल्या भाषणातून व्यक्त केला आहे.

विधानसभा निवडणुकीचा प्रचार अंतिम टप्प्यात आला असून आज महाविकास आघाडी शिवसेना (उबाठा) गटाचे उमेदवार संजय देरकर हे मशाल या चिन्हावर निवडणूक लढवीत आहे. राज्यातील मतदारांनी महाविकास आघाडीची सरकार बसविण्याचा निर्धार केला आहे.

राज्यातील भाजपा प्रणित महायुतीच्या सरकारला जनता पुर्णतः कंटाळली आहे. शेतमालाला भाव नाही महागाई प्रचंड वाढत आहे. त्याच बरोबर बेरोजगारीची मोठी समस्या उद्भवली आहे. महिलांची सुरक्षा नाही. बदलापूर सारख्या घटनेने उभ्या महाराष्ट्राला बदनाम केले आहे. तर कोकणात शिवरायांचा पुतळा पडल्याने संपूर्ण शिव भक्त्यांच्या भावनेला ठेच पोहचली होती.

त्याच बरोबर शिवसेना व राष्ट्रवादी काँग्रेस पक्षात फूट पाडून सर्व भ्रष्टाचारी नेत्यांना मंत्रीपदे देवून राज्यात खोके बहादरांचे सरकार स्थापन केल्याने भाजपाने सर्व नैतिकता ही धाब्यावर बसवली आहे. देशातील मोदी आणि राज्यातील शिंदे फडणवीस सरकार हे शेतकरी विरोधी सरकार आहे. महाविकास आघाडीचे सरकार येताच शेतकऱ्यांची ३ लाखा पर्यंतची कर्ज माफी करण्यात येईल. असे मत खासदार संजय देशमुख यांनी महा विराट रॅली ला संबोधित करताना व्यक्त केले.

महाविकास आघाडीचे उमेदवार संजय देरकर यांच्या प्रचारार्थ काढलेल्या महा विराट रॅलीत जवळपास २५ ते ३० हजार लोकांच्या या उपस्थितीने वणी करांचे लक्ष वेधले होते. त्यामुळे या निवडणुकीत मशालीचा विजय मतदारांनी निच्छित केला आहे असे दिसून येत होते.

जत्रा मैदानातून निघालेल्या या रॅलीला माजी आमदार वामनराव कासावार यांनी संबोधिले तसेच उमेदवार संजय देरकर यांनी मतदारांना बहुमतांनी निवडून देण्यासाठी साद घातली या रॅलीचे सूत्र संचालन आशिष खुलसंगे यांनी केले. यावेळी काँग्रेस, राष्ट्रवादी काँग्रेस, व शिवसेना (उबाठा) गटाचे अनेक पदाधिकारी व कार्यकर्ते उपस्थित होते. रॅलीत वणी विधानसभा क्षेत्रातून हजारो कार्यकर्ते व मतदार स्वयंपूर्तीने उपस्थित होते.

आणि  वर्षाताई निकम भाऊक झाल्या…

राष्ट्रवादी काँग्रेस पक्षाच्या जिल्हाध्यक्षा वर्षाताई निकम यांची संजय देरकरांनी भेट घेताच त्यांच्या नयनातून अश्रू अनावर झाले. अनेक वर्षांपासून संजय देरकर यांचा जो संघर्ष सुरू आहे. तो यावेळी पूर्णत्वास येत आहे आणि जनतेनी खूप चांगला माणूस निवडण्यासाठी निर्धार केला आहे. असे म्हणत त्यांच्या डोळ्यातून अश्रू वाहत होते. आणि भाऊच निवडून येणं खूप गरजेचे आहे. वणीत इतिहास घडेल असे उद्धबोधन केले. हे दुष्य बघून अनेकांच्या भावना स्थब्द झाल्या.

खालील लिंक उघडून बघा रॅलीचा व्हिडिओ

https://www.facebook.com/share/v/17Ng73FwM3/

News Today 

वणी :- येथील सकल कुणबी समजाकडून आज तारीख १७ रोजी सायंकाळी ५ वाजता जिल्हा परिषद कॉलनीत हनुमान मंदिराच्या सभागृहात “सहविचार” सभेचे आयोजन करण्यात आले आहे.

या सभेचे अध्यक्ष म्हणून माजी कुलगुरू डॉ. भालचंद्र चोपणे उपस्थित असणार असून प्रमुख अतिथी कुणबी समाजाचे केंद्रीय समितीचे अध्यक्ष ऍड. पुरुषोत्तम सातपुते तर प्रमुख उपस्थिती म्हणून सुनील ढाले, जयंत देवडे, भाऊसाहेब आसुटकर, यांचेसह कुणबी समाजातील अनेक ज्येष्ठ मंडळी उपस्थित असणार आहे. असे आवाहन सकल कुणबी समाजाच्या वतीने केले आहे.