आता संजय देरकरच फिक्स आमदार खा. संजय देशमुखांनी व्यक्त केला आत्मविश्वास

News Today
दिलीप भोयर
वणी :- येथील महाविकास आघाडीचे उमेदवार संजय देरकर यांच्या प्रचारार्थ आज ता. १७ रोजी दुपारी २ वाजता वणी शहरातून निघालेल्या महा विराट रॅलीने सर्व मतदारांचे लक्ष वेधले असून विजयाचा शंखनाद वाजला आहे अशी चर्चा वणी विधानसभेत रंगायला लागली आहे. आणि पुढचे आमदार संजय देरकर हेच होणार आहे. आणि राज्यात महविकास आघाडीची सत्ता बसणार आहे. असा आत्मविश्वास यवतमाळ – वाशिम मतदार संघाचे खासदार संजय देशमुख यांनी आपल्या भाषणातून व्यक्त केला आहे.

विधानसभा निवडणुकीचा प्रचार अंतिम टप्प्यात आला असून आज महाविकास आघाडी शिवसेना (उबाठा) गटाचे उमेदवार संजय देरकर हे मशाल या चिन्हावर निवडणूक लढवीत आहे. राज्यातील मतदारांनी महाविकास आघाडीची सरकार बसविण्याचा निर्धार केला आहे.

राज्यातील भाजपा प्रणित महायुतीच्या सरकारला जनता पुर्णतः कंटाळली आहे. शेतमालाला भाव नाही महागाई प्रचंड वाढत आहे. त्याच बरोबर बेरोजगारीची मोठी समस्या उद्भवली आहे. महिलांची सुरक्षा नाही. बदलापूर सारख्या घटनेने उभ्या महाराष्ट्राला बदनाम केले आहे. तर कोकणात शिवरायांचा पुतळा पडल्याने संपूर्ण शिव भक्त्यांच्या भावनेला ठेच पोहचली होती.

त्याच बरोबर शिवसेना व राष्ट्रवादी काँग्रेस पक्षात फूट पाडून सर्व भ्रष्टाचारी नेत्यांना मंत्रीपदे देवून राज्यात खोके बहादरांचे सरकार स्थापन केल्याने भाजपाने सर्व नैतिकता ही धाब्यावर बसवली आहे. देशातील मोदी आणि राज्यातील शिंदे फडणवीस सरकार हे शेतकरी विरोधी सरकार आहे. महाविकास आघाडीचे सरकार येताच शेतकऱ्यांची ३ लाखा पर्यंतची कर्ज माफी करण्यात येईल. असे मत खासदार संजय देशमुख यांनी महा विराट रॅली ला संबोधित करताना व्यक्त केले.

महाविकास आघाडीचे उमेदवार संजय देरकर यांच्या प्रचारार्थ काढलेल्या महा विराट रॅलीत जवळपास २५ ते ३० हजार लोकांच्या या उपस्थितीने वणी करांचे लक्ष वेधले होते. त्यामुळे या निवडणुकीत मशालीचा विजय मतदारांनी निच्छित केला आहे असे दिसून येत होते.

जत्रा मैदानातून निघालेल्या या रॅलीला माजी आमदार वामनराव कासावार यांनी संबोधिले तसेच उमेदवार संजय देरकर यांनी मतदारांना बहुमतांनी निवडून देण्यासाठी साद घातली या रॅलीचे सूत्र संचालन आशिष खुलसंगे यांनी केले. यावेळी काँग्रेस, राष्ट्रवादी काँग्रेस, व शिवसेना (उबाठा) गटाचे अनेक पदाधिकारी व कार्यकर्ते उपस्थित होते. रॅलीत वणी विधानसभा क्षेत्रातून हजारो कार्यकर्ते व मतदार स्वयंपूर्तीने उपस्थित होते.

आणि  वर्षाताई निकम भाऊक झाल्या…

राष्ट्रवादी काँग्रेस पक्षाच्या जिल्हाध्यक्षा वर्षाताई निकम यांची संजय देरकरांनी भेट घेताच त्यांच्या नयनातून अश्रू अनावर झाले. अनेक वर्षांपासून संजय देरकर यांचा जो संघर्ष सुरू आहे. तो यावेळी पूर्णत्वास येत आहे आणि जनतेनी खूप चांगला माणूस निवडण्यासाठी निर्धार केला आहे. असे म्हणत त्यांच्या डोळ्यातून अश्रू वाहत होते. आणि भाऊच निवडून येणं खूप गरजेचे आहे. वणीत इतिहास घडेल असे उद्धबोधन केले. हे दुष्य बघून अनेकांच्या भावना स्थब्द झाल्या.

खालील लिंक उघडून बघा रॅलीचा व्हिडिओ

https://www.facebook.com/share/v/17Ng73FwM3/

News Today 

वणी :- येथील सकल कुणबी समजाकडून आज तारीख १७ रोजी सायंकाळी ५ वाजता जिल्हा परिषद कॉलनीत हनुमान मंदिराच्या सभागृहात “सहविचार” सभेचे आयोजन करण्यात आले आहे.

या सभेचे अध्यक्ष म्हणून माजी कुलगुरू डॉ. भालचंद्र चोपणे उपस्थित असणार असून प्रमुख अतिथी कुणबी समाजाचे केंद्रीय समितीचे अध्यक्ष ऍड. पुरुषोत्तम सातपुते तर प्रमुख उपस्थिती म्हणून सुनील ढाले, जयंत देवडे, भाऊसाहेब आसुटकर, यांचेसह कुणबी समाजातील अनेक ज्येष्ठ मंडळी उपस्थित असणार आहे. असे आवाहन सकल कुणबी समाजाच्या वतीने केले आहे. 

शिरपूर येथे प्रचार रॅली दरम्यान नागरिकांनी आमदाराला अडविले

News Today 

वणी :- मागील २५ ते ३० वर्षातील इतिहासामध्ये येवढा अपमान कोणत्याही आमदाराचा झाला नाही तेवढा अपमान गावोगावी भाजप आमदार बोदकुरवार याचा या निवडणुकीत होताना दिसून येत आहे. एका तरुणांनी रोजगार संदर्भात विचारताच त्याला उडवाउडवीची उत्तरे देवून भाजप जिंदाबाद म्हणून बोदकुरवार यांनी आपला पाय काढला. हा प्रकार तालुक्यातील शिरपूर येथे घडला आहे. याबाबत व्हिडिओ देखील उलब्ध झाला आहे. 

येत्या २० नोव्हेंबर रोजी संपन्न होत अडलेल्या विधानसभेतील निवडणुकीच्या प्रचाराची रणधुमाळी मोठ्या प्रमाणात सुरू असून उमेदवारांच्या रॅल्या, पदयात्रा, कोपरा सभा गावागावात होत आहे. यातील सर्वांच्या चर्चेला विषय म्हणजे विद्यमान सत्तेतील आ. बोदकुरवार यांचा होत आहे. 

तारीख ४ नोव्हेंबर रोजी त्यांच्या निवडणूक प्रचार कार्यालयाच्या शुभारंभ प्रकरणी एका समाजाबद्दल अभद्र टिपणी एका भाजप पदाधिकाऱ्यांनी करताच त्या ठिकाणी जोरदार मारहाण झाली. ही घटना आ. बोदकुरवार यांचेसाठी अशुभ ठरली आणि तेव्हापासून त्यांचे मागे साडेसाती लागल्याची मतदारांत चर्चा आहे. 

विधानसभेत ज्या ज्या गावात आ. बोदकुरवार व त्यांच्या प्रचाराचे वाहन जात आहे. तेथील मतदार, बेरोजगार तरुण, गोर गरिब महिला त्यांचेवर प्रश्नाचा. भडिमार करीत आहे. त्यामुळे भाजपच्या प्रचार मंडळींची  उत्तरे देता देता बोलती बंद होत आहे. त्यामुळे यांनी केलेल्या विकासाची प्रचिती सर्वांना दिसून येत आहे.

आज सकाळी शिरपूर येथे भाजपची प्रचार रॅलीत सुरू असताना काही शेतकरी, बेरोजगार तरुण एकत्रित येवून सरळ सरळ आमदार महोदयांची  रॅली थांबवून विकासाबाबतच्या प्रश्नांचा भडीमार करीत आहे. यात शेतीच्या शेतमालाला भाव, महागाई, व बेरोजगारीचा प्रश्न अत्यंत ऐरणीवर आलेला आहे. त्यामुळे यावर कोणतेही समाधान कारक उत्तर या सत्ताधारी आमदाराकडे दिसून येतं नाही.  यामुळे आमदार बोदकुरवार यांचे चेहऱ्यावर पराभवाचे नैराश्य दिसून येत आहे. त्यांच्यात चिडचीडपणा निर्मान झाल्या सारखे त्या व्हिडिओत दिसून येत आहे. 

शिरपूर येथे घडलेल्या या प्रकारात बेरोजगार तरुणाने विचारलेल्या प्रश्नाचे समाधान कारक उत्तर न देता भाजप जिंदाबाद म्हणून दिलेल्या सल्याने बेरोजगार तरुणांमध्ये रोष निर्माण झाला आहे. या रोषाला महाविकास आघाडीचे उमेदवार संजय देरकर हे कॅश करीत आहे. भाजपचे आमदार बोदकुरवार यांनी आपल्या कार्यकर्त्यावरीलं खर्चाचे हात आवरते घेतल्याची माहिती आहे.

  हा बेरोजगार तरुणांच्या भावनेचा अपमान – संजय देरकर

स्थानिक उद्योग व प्रकल्पामध्ये ८० % रोजगाराचा वाटा हा स्थानिक बेरोजगार तरुणांचा असताना या ठिकाणी बाहेरील राज्यातील भाजपच्या तरुणांना रोजगार दिल्या जात आहे. व एक लोकप्रतिनिधी म्हणून बेरोजगारांच्या रोजगाराची व्यवस्था लावणे हे त्यांची जबाबदारी आहे. आणि बेरोजगाराने आपल्या हक्काच्या रोजगारावर प्रश्न विचारला असता त्याला भाजप जिंदाबाद म्हणून आमदार उत्तर देत असेल तर ते तमाम बेरोजगार तरुणांनाच्या भावनेचा घोर अपमान आहे. तसेच गोरगरीब महिलेने विचारलेल्या प्रश्नाचे उत्तर देणे देखील बंधनकारक असताना त्यांनी तिथून पळ काढणे हा त्यांचा पळकुटेपणा बाहेर आला आहे. आणि मतदार त्यांना यावेळी चांगलाच धडा शिकवणार आहे  मत महाविकास आघाडीचे उमेदवार संजय देरकर यांनी आ. बोदकुरवार यांचे नाव न घेता न्युज टुडे जवळ बोलताना टोला लावला आहे. 

News Today 

वणी/ प्रतिनिधी –

विधानसभेच्या निवडणुकीमध्ये मनसेची सर्वत्र हवा पाहायला मिळतं आहे. त्यामुळे अनेक सामजिक, राजकीय संघटनानी मनसेचे उमेदवार राजू उंबरकर यांना उघडपणे पाठींबा घोषित केला आहे. तर अनेकांनी पक्षाचा झेंडा हातात घेऊन पक्ष प्रवेश केला. दिवसेंदिवस मनसेचा वाढत असलेला जनाधार आणि राजकीय मंडळीचे वाढतं असलेले पक्षप्रवेश या निवडणुकीत मनसेला विजयाश्री मिळवून देण्यास साह्यभूत ठरेल. यातच आज वणी शहरा नजिक असलेल्या गणेशपूर येथील विद्यमान ग्रामपंचायत सदस्य व अन्य नागरिकांनी शहराध्यक्ष शिवराज पेचे यांच्या नेतृत्त्वात राजू उंबरकर यांच्या हस्ते महाराष्ट्र नवनिर्माण सेनेत प्रवेश केला.

यात गणेशपूर येथील ग्रामपंचायत सदस्य प्रवीण आत्राम, आशिष बोबडे, माजी ग्रामपंचायत सदस्य विठ्ठल काकडे, सुधीर खापणे, उषा कोडापे, अक्षय बोबडे यांच्या सह अन्य आजी माजी ग्रामपंचायत सदस्य व अन्य मंडळींनी पक्षात प्रवेश केला. यावेळी मनसेचे विधानसभा उमेदवार राजू उंबरकर यांनी त्यांच्या गळ्यात पक्षाचा दुपट्टा टाकून त्यांचे पक्षात स्वागत केले व त्यांना पुढील वाटचालीस शुभेच्छा दिल्या. यावेळी शहराध्यक्ष शिवराज पेचे, स्वप्निल लांडगे, जयश बुच्चे, नितीन ताजने आदी उपस्थित होते.

News Today 

प्रतिनिधी

वणी :- भारतीय जनता पार्टीचे स्वयंघोषित विकास पुरुष आमदार बोदकुरवार यांची प्रचारादरम्यान गावागावात नाचक्की होत असून भाजपावरील रोष दिवसेंदिवस वाढत जात आहे. त्यांचेकडून लावण्यात येत असलेले प्रचार फलक देखील फाडण्यात येत आहे. त्यामुळे या विकास पुरुषाला मतदार मात्र भकास पुरुष म्हणून घोषित करीत असल्याची वार्ता वणी विधानसभेत पसरली आहे. त्यामुळे प्रचारादरम्यान त्यांची चांगलीच नाचक्की होताना दिसून येत आहे.

विधानसभा निवडणुकीच्या रणधुमाळीत अनेक प्रकारचे प्रचार कार्य सुरू आहे. येत्या २० नोव्हेंबर रोजी विधानसभेची निवडणूक संपन्न होत आहे. यात मागील दहा वर्षापासून वणी विधानसभेत भाजपचे आ. बोदकुरवार हे राज्य करीत आहे. मागील दहा वर्षात ग्रामीण भागातील समस्यांना कधीच महत्व न देता केवळ शहरी भागात काँक्रिट रस्ते देवून त्यात मोठा भ्रष्ट्राचार केला आल्याचा आरोप मतदार करीत आहे. 

त्यामुळे ग्रामीण भागात आ. बोदकुरवार यांच्या विरोधात मोठ्या प्रमाणात मतदाराची लाट उसळत आहे. परिणामी ते ज्या गावात प्रचारासाठी जात असते त्या गावातून त्यांना हाकलून लावल्या जात आहे. तसेच त्यांनी लावलेले प्रचार फलक देखील फाडण्यात येत आहे. त्यामुळे मतदारांचा भाजपा व त्यांच्या आमदराप्रती किती आक्रोश आहे हे दिसून येत आहे. 

मतदार संघाचा फुसका विकास करून स्वताला विकास पुरुष म्हणून संबोधनारे बोदकुरवार यांची प्रचार दौऱ्या दरम्यान त्यांना अनेक प्रश्नांना सामोरे जावे लागत आहे. कुठे कुणबी समाजाबद्दल अभद्र टिपनीवरून त्यांना टोकल्या जात आहे. तर कुठे रस्ते नाही, वीज, नाही स्वच्छ पाण्याचे आरो बंद पडले आहे. अश्या अनेक प्रश्नांना घेवून त्यांची मतदार संघातील गावागावात चांगलीच गोच्ची करून टाकत आहे. त्यामुळे भारतीय जनता पार्टीला जोर का झटका धीरे से लगणे वाला है. यात महाविकास आघाडी तर्फे शिवसेनेचे उमेदवार संजय देरकर यांची मशाल चांगलीच मतदारांच्या मनात क्रांती घडवितांना दिसून आहे. 

News Today

प्रतिनिधी

प्रतिनिधी
वणी :- येथील काँग्रेसचे पदाधिकारी संजय खाडे यांनी महाविकास आघाडीचे उमेदवार निवडणूक लढवीत असताना अपक्ष उमेदवारी लढवून पक्ष शिस्तीचा भंग केला म्हणून त्यांना पुढील सहा वर्षांकरिता निलंबित करण्यात आले आहे. अखेर उशिरा का होईना पण संजय खाडे यांच्या निलंबनाची शिट्टी वाजवून काँगेस पक्षाने त्यांची हकालपट्टी केली आहे.

महाराष्ट्रातील विधानसभा निवडणूक ही राष्ट्रीय काँग्रेस पार्टी, राष्ट्रवादी काँग्रेस पार्टी व शिवसेना (ऊबाठा) व इतर घटक पक्ष एकत्रित येऊन महाविकास आघाडी म्हणून निवडणुका लढवीत आहे. त्यामुळे जागा वाटपानुसार यवतमाळ जिह्यातील ७ जागे पैकी सर्वाधिक ५ जागा काँग्रेस तर एक एक जागेवर शिवसेना व राष्ट्रवादी काँग्रेस लढवीत आहे.

यातील वणी विधानसभेची जागा ही शिवसेना उध्दव बाळासाहेब ठाकरे यांच्या गटाला गेली व त्यांनी संजय देरकर यांच्या हातात मशाल दिली. शिवसेना गटाला जागा गेल्याने नाराज झालेले काँग्रेसचे खाडे यांनी पक्ष शिस्त भंग करून अपक्ष उमेदवारी लढविण्याचा निर्णय घेतला व ते निवडणूक लढवीत आहे. त्यामुळे काँगेस पक्षाचे प्रदेश उपाध्यक्ष नाना गावंडे यांनी प्रदेशाध्यक्ष नानाभाऊ पटोले यांचे आदेशावरून निलंबित करण्यात आल्याचे पत्र खाडे यांना दिले आहे. खाडे यांच्या निलंबनामुळे महाविकास आघाडीच्या विजयाचा मार्ग मोकळा झाला आहे. जे काँग्रेस पदाधिकारी खाडे यांचेसोबत आहे ते महाविकास आघाडीत परतणार असल्याची माहिती आहे. 

गावागावात वाढला भाजप आमदाराच्या विरोधात रोष 

News Today 

वणी :- येथील आ. बोदकुरवार यांच्या निवडणूक प्रचारासाठी लावलेले प्रचाराचे फलक एका तरुणांनी फाडल्याची घटना दोन दिवसागोदर घडली आहे. यात एका तरुणावर शिरपूर पोलीसात प्रतिबंधात्मक कारवाई करण्यात आली आहे. ही घटना तालुक्यातील कुरई या गावातील आहे.

विधानसभा निवडणुकीच्या प्रचार कार्याला प्रचंड मोठा वेग आला आहे. यातच गावागावात मतदारांना ओळख पटण्यासारखी आपापल्या पक्षाचा व निवडणूक चिन्हांचे फलक लावण्यात आले आहे. तसेच फलक कुरई येथे लावण्यात आहे असता ते फलक एका आदिवासी समाजाच्या तरुणाने भाजप आमदार बोदकुरवार यांच्या प्रती असेलेला रोष व्यक्त करून फलक फाडले आहे. संपूर्ण गावात भाजपच्या फसव्या विकासाची जोरदार चर्चा आहे. त्यामुळे आ. बोदकुरवार यांचे निवडणुकीचे भविष्य अंधारमय दिसून येत आहे. 

उद्धव ठाकरेंच्या सभेनंतर मतदारांकडूनही भजपाला बसायला लागले शाब्दिक फटके

News Today

दिलीप भोयर

वणी :- भाजपाचे आ. बोदकुरवार यांना आज तारीख १२ रोजी रात्री ९ वाजताच्या सुमारास मरेगावं तालुक्यातील सराटी या गावातून मतदारांनी कोणताही प्रचार न करू देता वाहनाच्या ताफ्यासह गावकऱ्यांनी त्यांना हाकलून लावल्याने उध्दव ठाकरे यांच्या सभे नंतर मतदारांमध्ये भाजपप्रती मोठा रोष पसरल्याचे दिसून येत आहे. त्यामुळे आ. बोदकुरवारांची चांगलीच नाकी नऊ येत आहे.

येत्या २० नोव्हेंबर रोजी संपन्न होत असलेल्या विधानसभेच्या निवडणुका जसजश्या जवळ येत आहे तस तश्या भाजपच्या प्रचारात विघ्न तयार होताना दिसून येत आहे. आज आ. बोदकुवार यांचा मारेगाव तालुक्यात प्रचार दौरा असताना मांगरूळ या गावात गावातील मतदार बांधव व कुणबी समाज बांधवांनी त्यांना घेराव घालून प्रश्नाचा भळीमार केला यावेळी बोदकुरवार यांची बोबडी उडाली होती. तसेच आज रात्री सराटी येथील ग्रामस्थांनी तर त्यांना वाहनातून उतरूच न देता गावातून हाकलून लावले आहे.

भारतीय जनता पार्टीचे मनसुबे व त्यांच्या उमेदवारांचा खोटा विकास समोर येत असून गावागावात भाजपाप्रती मोठा रोष दिसून येत आहे. अहम पनाच्या गुर्मीत वावरणाऱ्या आमदाराला जनतेनी तोंडघशी पाडल्याने मतदार संघात चांगलीच चर्चा रंगत आहे. काल तारीख ११ रोजी शिवसेना पक्षप्रमुख वणीत दाखल होताच त्यांची बॅग तपासण्यात असण्यात आली या बाबीचा मतदारांमध्ये मोठा रोष तयार झाला. आज पर्यंतच्या इतिहासात कोणत्याही भाजपच्या राजकीय पुढाऱ्यांची अशी तपासणी करण्यात आली नाही. परंतु ठाकरे यांचीच का असा प्रश्न उपस्थित झाल्याने मतदान क्रोधित झाला आहे.

त्याच बरोबर उद्धव ठाकरे यांनी आपल्या मनोगतात भाजपच्या शेतकरी विरोधी नीतीची चांगलीच चिरफाड करण्यात आली होती. त्यामुळे उपस्थित शेतकरी व मतदारांमध्ये जागृती तयार झाल्याने भाजपाला प्रचार करणे देखील अवघड झाले आहे. गावागावात मतदार भाजपच्या विरोधात उतरून चक्क आ. बोदकुरवार यांचेवर चालून जात आहे. त्यामुळे यावेळी भाजपचा वणी विधानसभा क्षेत्रातून पूर्ण सुफडा साफ होण्याची चिन्ह दिसून येत आहे.