News Today 

वणी :- नगर परिषद प्रभाग क्रमांक ३ मध्ये आज प्रहार जनशक्ती पक्षाचे तालुकाध्यक्ष युवा व प्रभावी कार्यकर्ते अनिकेत अनिल चामटे यांनी शरदचंद्र पवार राष्ट्रवादी काँग्रेस पक्षात प्रवेश करताच स्थानिक राजकारणात जोरदार खळबळ उडाली आहे. परिसरात सामाजिक कार्यासाठी परिचित असलेले चामटे यांनी शरदचंद्र पवार साहेबांच्या विचारांनी प्रेरित होऊन तथा वणी विधानसभा अध्यक्ष दिलीप भोयर यांच्या नेतृत्वावर ठाम विश्वास ठेवत राष्ट्रवादीत प्रवेश केला.

त्यांच्या उमेदवारीचा फटका थेट प्रस्थापितांना बसल्याचे राजकीय वर्तुळात चर्चेचा विषय ठरला आहे. प्रभाग ३ मध्ये चामटे हे “प्रभावी आणि दमदार पर्याय” म्हणून उदयास आले असून त्यांच्या आगमनाने समीकरणे मोठ्या वेगाने बदलण्याची शक्यता व्यक्त केली जात आहे.

या कार्यक्रमाला राज्य संघटन सचिव रज्जाक पठाण, कामगार सेलचे प्रदेशाध्यक्ष आबिद हुसेन, अल्पसंख्यांक सेलचे जिल्हाध्यक्ष अरबाज पठाण, तालुकाध्यक्ष राजू वांढरे, शहराध्यक्ष विनोद ठेंगणे, प्रदीप खोब्रागडे नरेंद्र लोणारे, महेंद्र चांदोरे यांसह अनेक मान्यवरांची उपस्थिती होती.

स्थानिक पातळीवर त्यांच्या प्रवेशाने निर्माण झालेली उमेद व जनसंपर्कातील त्यांची पकड पाहता आगामी राजकीय लढतीत प्रभाग ३ मध्ये ‘तिखट’ रंग चढणार हे निश्चित

News Today 

वणी : वणी नगर परिषदेच्या निवडणुकीत प्रभाग क्र. १२ मध्ये चुरशीचा माहोल निर्माण झाला असून उत्साही दुर्गा उत्सव मंडळातील कार्यातून सर्वत्र ओळख निर्माण केलेले बाळू (नरेंद्र) गणपत गेडाम आता राष्ट्रवादी काँग्रेस शरद पवार गटात प्रवेश करून उमेदवारीच्या रेषेत ठामपणे उभे राहिले आहेत. आणि तुतारी या चिन्हावर ते निवडणूक लढविणार आहे.

गेल्या काही दिवसांपासून त्यांची लोकप्रियता आणि तरुणांमध्ये असलेले मैत्रीपूर्ण संबंध यामुळे त्यांची राजकीय वाटचाल चर्चेत होती. अखेर त्यांनी राष्ट्रवादी काँग्रेस (शरद पवार गट) मध्ये प्रवेश करून उमेदवारीसाठी अधिकृतपणे अर्ज सादर केला आहे. समोरून मिळालेल्या सकारात्मक संकेतांमुळे त्यांची उमेदवारी निश्चित होण्याच्या मार्गावर असल्याचे पक्ष सूत्रांनी सूचित केले आहे.

बाळू गेडाम यांनी पक्ष प्रवेश वणी विधानसभा अध्यक्ष दिलीप भोयर यांच्या नेतृत्वावर विश्वास ठेवून आपला प्रवेश घेतला. यावेळी प्रदेश संघटन सचिव रज्जाक पठाण, शहराध्यक्ष विनोद ठेंगणे, खुशाल बासमवार आदी मान्यवर उपस्थित होते. या प्रवेशामुळे प्रभाग १२ मध्ये राष्ट्रवादी काँग्रेसला नवे बळ मिळाल्याचे स्थानिक पातळीवर दिसून येत आहे.

निवडणुकीची चाहूल लागताच प्रभागातील राजकीय हालचालींना आणखी वेग आला आहे. विविध पक्षांचे कार्यकर्ते जनसंपर्क वाढवत असताना बाळू गेडाम यांच्या उमेदवारीची चर्चा सर्वाधिक जोमात आहे.

आता मतदारांची मते कोणाच्या बाजूने झुकतात आणि या नव्या राजकीय समीकरणांचा अंतिम निकालावर कसा प्रभाव पडतो हे पाहणे उत्सुकतेचे ठरणार आहे.

News Today
वणी नगर परिषद निवडणुकीची रणधुमाळी शिगेला पोहोचली असून प्रभाग १० मध्ये सध्या सर्वाधिक चर्चा जर कोणाची होत असेल, तर ती सौ. संगीताताई रामेश्वर मांढरे यांच्या दमदार एन्ट्रीची! शरद पवार राष्ट्रवादी काँग्रेसमध्ये त्यांच्या प्रवेशामुळे प्रभाग १० मधील राजकीय समीकरणे अक्षरशः उलटपालट होण्याची चिन्हे दिसू लागली आहेत.

सर्वसाधारण महिलावर्गासाठी उमेदवारी मागितलेल्या संगीताताई आपल्या वॉर्डातील जनसेविका, समाजहिताची धडाडीने काम करणारी कार्यकर्ती, आणि लोकांमध्ये सदैव उपलब्ध असलेली नेता म्हणून ओळखल्या जातात. गेल्या पाच–सात वर्षांत वॉर्डातील पाणी, रस्ते, स्वच्छता, महिलावर्गाच्या अडचणी तसेच वृद्धांच्या प्रश्नांवर त्यांनी केलेल्या झटापटीमुळे त्यांची भक्कम पकड निर्माण झाली आहे.

स्थानिकांमध्ये सध्या एकच चर्चा रंगली आहे— “यावेळी जनतेकडून संगीताताईंना त्यांच्या सेवाभावाची पावती मिळणार!”
प्रभाग १०मध्ये राष्ट्रवादीच्या पक्षध्वजाखाली त्या मैदानात उतरणार असल्याने विरोधकांच्या गणितात गोंधळ उडाला आहे. संगीताताईंच्या लोकप्रियतेसोबतच पक्षाच्या रणनीतीमुळे या प्रभागात धडाकेबाज सामना पाहायला मिळणार हे निश्चित. यांच्या पक्ष प्रवेश विधानसभा अध्यक्ष दिलीप भोयर यांनी राष्ट्रवादीचा दुपट्टा टाकून घेतला यावेळी प्रदेश संघटन सचिव रज्जाक पठाण, कामगार सेलचे उपाध्यक्ष अबिद हुसेन, तालुका अध्यक्ष राजू वांढरे, शहराध्यक्ष विनोद ठेंगणे आदी मान्यवर उपस्थित होते.

वणी नगर परिषद निवडणुकीचा रंग चढत असताना प्रभाग १०ची लढत अतिशय रोमहर्षक बनली आहे. संगीताताई मांढरे यांच्या उमेदवारीने या प्रभागात उत्सुकता, रंगत आणि राजकीय उष्णता प्रचंड वाढली असून पुढील काही दिवसांत अजून मोठे राजकीय वारे वाहण्याची शक्यता वर्तवली जात आहे.
प्रभाग १० — सज्ज व्हा! एक धडाकेबाज महिला उमेदवार मैदानात उतरली आहे!

News Today 

वणी प्रतिनिधी :
आगामी वणी नगर परिषदेच्या निवडणुकांना काहीच दिवस उरतुषार काकडे यांच्या उमेदवारीला वेग

ले असताना प्रभागातील लोकप्रिय समाजसेवक तुषार काकडे यांच्या उमेदवारीबाबतची चर्चा चांगलीच रंगली आहे. स्थानिक पातळीवर विविध सामाजिक उपक्रम राबवणाऱ्या काकडे यांना नागरिकांचा मोठा पाठिंबा लाभलेला असून, अनेक ठिकाणी त्यांना भावी नगरसेवक म्हणून आजच संबोधले जात आहे.

तुषार काकडे हे गेल्या काही वर्षांत प्रभागातील सर्वसामान्यांच्या अडचणी समजून घेत त्यांच्या निवारणासाठी सतत पुढाकार घेताना दिसले आहेत. आर्थिक मदत, शैक्षणिक सहाय्य, आरोग्यविषयक उपक्रम, तसेच आपत्तीच्या काळात दिलेली मदत यामुळे त्यांनी स्थानिकांमध्ये ठाम विश्वास निर्माण केला आहे. विविध सामाजिक संघटनांबरोबर कार्य करताना त्यांनी जनतेशी थेट नाळ जुळवली असून, त्यांच्या या कार्याची दखल अनेकांनी घेतली आहे.

वणी नगर परिषदेच्या निवडणुका २ डिसेंबर रोजी पार पडणार आहेत. दरम्यान, राष्ट्रवादी काँग्रेस पार्टी (शरदचंद्र पवार गट) कडून तुषार काकडे यांच्या उमेदवारीला हिरवा कंदील मिळण्याची शक्यता व्यक्त केली जात आहे. पक्षाच्या स्थानिक पदाधिका–यांमध्ये या संदर्भात सकारात्मक हालचाली सुरू असल्याची माहिती विश्वसनीय सूत्रांनी दिली.

निवडणूक जसजशी जवळ येत आहे, तसतशी काकडे यांच्या प्रचाराची गतीही वाढताना दिसत आहे. त्यांच्या समर्थकांकडून प्रभागात जनसंपर्क मोहीम राबवली जात असून, नागरिकांचा प्रतिसादही उत्साहवर्धक असल्याचे चित्र आहे.

आगामी काही दिवसांत अधिकृत उमेदवारी जाहीर झाल्यानंतर वणी नगर परिषदेची निवडणूक अधिक रंगतदार होण्याची शक्यता आहे.

News Today 

वणी:- भाजप सत्तेत येण्याच्या प्रयत्नात वेगवेगळ्या पक्षातील नेत्यांची “आयात” जोमाने सुरू केली आहे, आणि त्यातून कार्यकर्त्यांमध्ये नाराजीचे वातावरण निर्माण झाले आहे.

वणी येथील मनसेचे माजी शहराध्यक्ष अंकुश बोढे यांनी आज अधिकृतपणे भाजपमध्ये प्रवेश केला असून, त्यांची भाजप जिल्हाउपाध्यक्षपदी वर्णी लागली आहे. या घडामोडींमुळे स्थानिक मनसे आणि भाजपच्या निष्ठावंत कार्यकर्त्यांमध्ये नाराजीची आणि अस्वस्थतेची भावना दिसून येत आहे.

भाजपकडून इतर पक्षातील नेत्याची भरती भाजपने गेल्या काही काळात इतर पक्षातील – विशेषतः मनसे, काँग्रेस आणि शिवसेना – नेत्यांना आपल्याकडे आकर्षित करण्याचा प्रयत्न केल्या आहे, आणि अनेक नेत्यांना पदाचे प्रलोभन देत प्रवेशाची संधी दिली आहे. हे घडत असताना, भाजपमधील पारंपारिक, निष्ठावंत कार्यकर्त्यांमध्ये भावना निर्माण झाल्या आहेत की बाहेरच्या नेत्यांना मोठ्या पदांवर संधी दिली जात आहे, तर स्थानिक एकनिष्ठ कार्यकर्त्यांची उपेक्षा केली जाते.

अंकुश बोढे यांचा भाजपमध्ये प्रवेशवणीतील मनसेचे माजी शहराध्यक्ष अंकुश बोढे यांनी आपला राजीनामा देऊन आज औपचारिकपणे भाजपमध्ये प्रवेश घेतला आहे.त्यांच्या या प्रवेशानंतर लगेचच त्यांची भाजप जिल्हाउपाध्यक्षपदी निवड करण्यात आली आहे. यामुळे भाजपमध्ये स्थानिक कार्यकर्त्यांना धक्का बसला आहे आणि मनसेच्या स्थानिक गटातही घबराट निर्माण झाली आहे.निष्ठावंत कार्यकर्त्यांमध्ये नाराजीवारंवार “आयात नेत्यांना” महत्त्व देण्याच्या धोरणामुळे भाजपमधील जुने, कष्ट करणारे कार्यकर्ते नाराज आहेत आणि त्यांच्यामध्ये असंतोष वाढत आहे.

अनेक कार्यकर्त्यांनी आपल्या नाराजीचा सूर सोशल मीडियावर, तसेच पक्ष संघटनांच्या आढाव्यात मांडला आहे. बहुसंख्य कार्यकर्त्यांना वाटते की, पक्षाच्या जडणघडणीत ज्यांनी वेळ, पैसा आणि श्रम दिलेत, त्यांना डावलले जात आहे.राजकीय परिणाम आणि पुढील दिशाअशा नेत्यांच्या गळती आणि आयातीमुळे भाजपला काही प्रमाणात स्थानिक पातळीवर मजबुती मिळू शकते; मात्र, दीर्घकालीन परिणाम म्हणून निष्ठावंत कार्यकर्ते नाराज राहिल्यास संघटनावाढीस अडथळा येण्याची भीती आहे.

स्थानिक आणि जिल्हास्तरावरील निवडणुकांमध्ये हा असंतोष पक्षासाठी अडचणीचे ठरू शकतो.या पार्श्वभूमीवर, अंकुश बोढे यांची भाजप जिल्हाध्यक्षपदी वर्णी लागणे हे पक्षासाठी तात्पुरते राजकीय पाठबळ ठरले असले, तरी, हा निर्णय भाजपमधील अंतर्गत गटबाजी, असंतोष, आणि ओलांडलेल्या कार्यकर्त्यांचा असंतोष यास कारणीभूत ठरू शकतो—अशी प्रतिक्रिया स्थानिक स्तरावर दिसून येत आहे.

News Today

वणी, ता. १२ नोव्हेंबर :
राष्ट्रवादी काँग्रेस पार्टी (शरदचंद्र पवार) गटाच्या अल्पसंख्यांक सेल, जिल्हा यवतमाळ यांच्या वतीने भव्य पक्ष प्रवेश व पदाधिकारी नियुक्ती सोहळ्याचे आयोजन आज सायंकाळी ७ वाजता वणी येथील वरोरा रोड वरील हॉटेल V9 च्या सभागृहात करण्यात आले आहे.

या कार्यक्रमाचे अध्यक्ष म्हणून रॉकाप अल्पसंख्यांक सेलचे प्रदेशाध्यक्ष तथा यवतमाळ जिल्हा निरीक्षक अफजल फारूक हे उपस्थित राहणार आहेत. तर प्रमुख अतिथी म्हणून प्रदेश संघटन सचिव रज्जाक पठाण, कामगार सेलचे प्रदेश उपाध्यक्ष आबिद हुसेन, सामाजिक न्याय सेलचे संघटन सचिव विजय नगराळे, वणी विधानसभा अध्यक्ष दिलीप भोयर, तालुकाध्यक्ष राजू वांढरे, शहराध्यक्ष विनोद ठेंगणे, तसेच युवा आघाडीचे तालुकाध्यक्ष सूर्यवीर चिकटे आदी मान्यवर उपस्थित राहणार आहेत.

या कार्यक्रमात विविध समाजघटकांतील कार्यकर्ते राष्ट्रवादी काँग्रेस पार्टी (शरदचंद्र पवार) गटात प्रवेश करणार असून, नव्या पदाधिकाऱ्यांची घोषणा देखील करण्यात येणार आहे. पक्ष संघटनेची ताकद वाढवणे आणि पक्षाच्या ध्येयधोरणांनुसार कार्यकर्त्यांना एकत्र आणणे हा या उपक्रमामागील उद्देश आहे.

कार्यक्रमासाठी पक्षाचे स्थानिक पदाधिकारी, कार्यकर्ते व नागरिकांना मोठ्या संख्येने उपस्थित राहण्याचे प्रदीप खोब्रागडे, नरेंद्र लोणारे, महेंद्र चांदोरे, आदी आयोजकांकडून आवाहन करण्यात आले आहे.

News Today 

वणी (प्रतिनिधी): वणी नगर परिषद सार्वत्रिक निवडणुकीचा बिगुल वाजला असून, नामनिर्देशन अर्ज भरण्याला सुरुवात झाली आहे. विविध राजकीय पक्षांकडून उमेदवारांच्या घोषणा सुरू झाल्या आहेत. या पार्श्वभूमीवर प्रभाग क्रमांक ५ मधून एक नवे नाव प्रचंड चर्चेत आले आहे — बिरजू देवतळे.

सामाजिक कार्यातून आपली स्वतंत्र ओळख निर्माण केलेले बिरजू देवतळे यांनी या निवडणुकीत रिंगणात उतरण्याचा निर्णय घेतला आहे. त्यांच्या या निर्णयाने स्थानिक राजकारणात चांगलाच खळबळ माजली असून अनेकांच्या पायाखालची जमीन सरकली आहे.

गेल्या काही वर्षांपासून देवतळे हे विविध सामाजिक उपक्रमांमधून सक्रिय आहेत. परिसरातील युवकांसाठी रोजगार, शिक्षण, आरोग्य आणि स्वच्छता या क्षेत्रांत त्यांनी सातत्याने कार्य केले आहे. विशेष म्हणजे, कोरोना काळात त्यांनी अनेक कुटुंबांना मदत पुरवून आपली सामाजिक बांधिलकी दाखवली होती.
स्थानिक रहिवाशांमध्ये देवतळे यांच्या उमेदवारीबाबत उत्सुकता दिसून येत आहे. अनेक युवक आणि सामाजिक कार्यकर्ते त्यांना पाठिंबा देत आहेत. काहींनी तर “प्रभाग ५ मध्ये बदलाची नांदी” असे म्हणत त्यांच्या उमेदवारीचे स्वागत केले आहे.

राजकीय विश्लेषकांच्या मते, देवतळे यांची प्रतिमा स्वच्छ आणि कार्यकर्तृत्वशाली असल्याने पारंपरिक पक्षांना यंदा आव्हान उभे राहू शकते. त्यांच्या उमेदवारीमुळे या प्रभागात निवडणूक अधिक चुरशीची होणार आहे.

आगामी काही दिवसांत प्रचाराची रणधुमाळी वाढणार असून, प्रभाग ५ मध्ये कोण बाजी मारतो याकडे सर्वांचे लक्ष लागले आहे.

News Today 
झरी-जामणी : मुकूटबन येथील बी.एस. इस्पात कोळसा कंपनीतील कामगारांच्या उपोषणाला राष्ट्रवादी काँग्रेस (शरद पवार गट) ने मध्यस्थी करीत अवघ्या एका तासात तोडगा काढला.

वणी विधानसभा अध्यक्ष दिलीप भोयर व प्रदेश कामगार सेलचे प्रदेश उपाध्यक्ष आबिद हुसेन यांच्या पुढाकाराने झालेल्या चर्चेनंतर कंपनी व्यवस्थापनाने कामगारांच्या मागण्यांवर लिखित आश्वासन दिल्याने उपोषणकर्त्यांनी आपले आंदोलन मागे घेतले.

कामगारांनी प्रकल्पग्रस्त आणि जुन्या कर्मचाऱ्यांना डावलून बाहेरील मजुरांची भरती करण्यात येत असल्याच्या विरोधात सोमवार, १० नोव्हेंबर रोजी सकाळपासून उपोषणाला बसत आपल्या मागण्यांचा पाठपुरावा केला होता. पंधरा दिवसांपूर्वी दिलेल्या निवेदनानंतरही व्यवस्थापनाने प्रतिसाद न दिल्याने कामगार संघटनेने हा कठोर पवित्रा घेतला.दुपारी १ वाजता दिलीप भोयर आणि आबिद हुसेन यांनी उपोषण स्थळी भेट देऊन कंपनीच्या अधिकाऱ्यांसोबत सविस्तर चर्चा केली.

चर्चेअंती निवेदनात नमूद केलेल्या जुन्या कामगारांची पुनर्नियुक्ती केली जाईल आणि प्रलंबित सीआरपीएफ फंड जमा केला जाईल, असा महत्त्वाचा निर्णय घेण्यात आला. या दोन्ही मागण्या एका महिन्याच्या आत पूर्ण केल्या जातील, असे कंपनीने लिखित आश्वासन दिले.

या चर्चेच्या आणि निर्णयाच्या वेळी बी.एस. इस्पात कंपनीचे अधिकारी सुहास दास, सुकांता, कामगार नेते दिलीप भोयर, आबिद हुसेन, राजू वांढरे, मनोज नवले, किशोर गोनलावार, विनोद ठेंगणे, तसेच मुकूटबन पोलिस ठाण्याचे ठाणेदार विलास कुलकर्णी, टाऊन बीट अधिकारी दिपक ताठे, जमादार दिलीप जाधव आणि पत्रकार रफीक कनोजे उपस्थित होते. या समितीच्या उपस्थितीत आश्वासनपत्र देऊन आंदोलनाचा तोडगा लागला.

कामगारांचा इशारा : मागण्या न मानल्यास रास्ता रोको

कामगार नेत्यांनी स्पष्ट चेतावणी दिली की, कंपनीने जर १० डिसेंबरपर्यंत मागण्या पूर्ण केल्या नाहीत, तर ११ डिसेंबरपासून कंपनीच्या मुख्य रस्त्यावर रास्ता रोको आंदोलन करण्यात येईल. त्या काळात एकही ट्रक रस्त्यावरून बाहेर जाऊ देण्यात येणार नाही, असा इशारा दिलीप भोयर यांनी दिला.
बी.एस. इस्पात कंपनीच्या कामगारांच्या हक्कांसाठी झालेल्या या निर्णायक मध्यस्थीमुळे सध्या औद्योगिक परिसरात समाधानाचे वातावरण निर्माण झाले आहे.

बी. एस. इस्पात कंपनीकडून मिळालेले लिखित आश्वासनाचे पत्र