News Today 
वणी :- शिव महोत्सव समिती वणी द्वारा आयोजित बळीराजा व्याख्यानमालेचे हे १० वे वर्ष.२०१५ पासुन प्रारंभ झालेल्या या व्याख्यानमालेला सुरुवातीपासूनच श्रोत्यांचा प्रचंड प्रमाणावर प्रतिसाद मिळत आहे. ही व्याख्यानमाला बौद्धिक मेजवानीत रस घेणाऱ्या सुजाण श्रोत्यांच्या सहकार्यातून आयोजित करण्यात येते.

यावर्षी ही व्याख्यानमाला २८ व २९ डिसेंबर २०२४ रोज शनिवार व रविवार ला बाजोरिया लॉन येथे पार पडेल.सायंकाळी ६ वाजता प्रारंभ होणाऱ्या या दोन दिवसीय व्याख्यानमालेला प्रख्यात साहीत्यिक प्रा.रंगनाथ पठारे संबोधित करतील.पहिल्या दिवशीचे स्मृतीपुष्प रामचंद्र जागोजी सपाट यांना समर्पित असुन “सामाजिक वास्तव: काल आज आणि उद्या” या विषयावर विचारमंथन होईल.तर नारायणराव सांबशिव देवडे यांना दुसरे दुसऱ्या दिवशीचे स्मृतीपुष्प समर्पित असुन “साहित्य कशासाठी?” या विषयांवर पठारे संबोधन करतील.

दोन दिवसीय व्याख्यानमाला आयोजन समितीचे अध्यक्ष शहाबुद्दीन अजाणी यांच्या अध्यक्षतेखाली होणार असुन प्रशासकीय आणि विविध क्षेत्रातील मान्यवर पाहुणे म्हणून उपस्थित असतील.दरवर्षी प्रमाणेच श्रोत्यांनी याही वर्षी उपस्थित राहून या व्याख्यानमालेचा बौद्धीक आस्वाद घ्यावा.असे आवाहन शिव महोत्सव समिती वणीच्या वतीने उपाध्यक्ष प्रा.डॉ.करमसिंग राजपुत,निमंत्रक कृष्णदेव विधाते यांनी वणीकरांना केले आहे.

News Today 

वणी :-  मागिल ८ दिवसापासून पांढरकवडा येथील एकात्मिक आदिवासी विकास प्रकल्प कार्यालय समोर सूरू असलेले आंदोलन . त्यात आदिवासी मुला/ मुली यांचे त्यांच्या मूलभूत हक्कासाठी लढत आहे. त्यांच्या प्रमुखं मागण्या महाराष्ट्र शासनाच्या वार्षिक महागाई दरानुसार प्रत्येकवर्षी आदिवासी विकास विभागामार्फत येणाऱ्या जिल्हास्तरीय मुला – मुलींना वस्तीगृहामध्ये लागु असलेल्या DBT या योजनेमध्ये प्रत्येक वर्षी वर्षी महागाई दरानुसार वाढ करण्यात यावी यासारख्या प्रश्नाबाबत आंदोलन सूरू आहे. या आंदोलनस्थळी वणी विधानसभेचे आमदार संजय देरकर यांनी भेट घेतली.

त्या वेळी आमदार संजय देरकर यांनी त्यांचे निवेदन स्वीकारून त्यांची समस्या जाणुन घेतल्या व लवकरात लवकर संबंधीत विभागाला भेटून न्याय मिळवून देऊ असे आश्र्वासन दिले. त्यावेळीं प्रकल्प अधिकारी सुहास गाडे, य. जि. म. बॅक संचालक राजीव येल्टीवार , मिथुन सोयांम, राहुल दांडेकर, बाळु दुधखुळे , संतोष जंगीलवार, गौरव पंधरे, बंडू आळे, गोपाल मडावी, संतोष कोहळे, गौरव भूषेवार उपस्थिती होते.

News Today (दिलीप भोयर)

वणी :- इलेव्हन स्टार क्रिकेट क्लब च्या वतीने वणी विधानसभा क्षेत्राचे आदरणीय आमदार संजय जी देरकर यांच्या प्रमुख मार्गदर्शनाखाली १० जानेवारी २०२५ पासून वणी प्रीमियर लीग चे टेनिस बॉल क्रिकेट सामने आयोजित केले जात आहेत. हे सामन्यांचे आयोजन एक ऐतिहासिक आणि रोमांचक अनुभव देण्यासाठी आमदार चषकाचे आयोजन करण्यात आले आहे.

या स्पर्धेसाठी २५ डिसेंबर २०२४ पर्यंत खेळाडूंची रजिस्ट्रेशन सुरू राहील आणि त्यानंतर २८ डिसेंबर २०२४ रोजी खेळाडूंची ऑक्शन प्रक्रिया होईल. या सामन्यात भाग घेणाऱ्या खेळाडूंना एक उत्तम संधी मिळणार आहे, ज्यामुळे त्यांचे क्रिकेट कौशल्य एक नवीन उंचीवर पोहोचेल.

हे टेनिस बॉल क्रिकेट सामने खेळाडू आणि नागरिकांसाठी अत्यंत उत्साही आणि थरारक असतील. हे एक अद्वितीय मंच आहे जिथे स्थानिक खेळाडूंना त्यांची कलेची ओळख प्रकट करण्याची संधी मिळेल. आणि यामुळे त्या खेळाडूंना भविष्यात मोठ्या स्तरावर स्पर्धा करण्याचा मार्ग खुला होईल.

सर्व स्पर्धकांनी या रोमांचक सामन्यात भाग घेण्याचे आवाहन आम्ही आयोजक म्हणून करतो आहे. एकत्र येऊन, आपली कर्तृत्वाची गाठ बांधून, या मोठ्या टुर्नामेंटमध्ये आपली जागा पक्की करा आणि आपला खेळ दाखवा.

जास्तीत जास्त स्पर्धकांनी भाग घ्या आणि आपल्या क्रिकेट कलेला एक नवा वळण द्या!

अधिक माहिती करिता संपर्क शैलेश ढोके:- 9822561450
नदीम:- 8806333786 यांच्याशी साधावा असे आवाहन करण्यात आले आहे. 

कर्मयोगी संत गाडगेबाबांचा स्मृती दिनानिमित्त विविध कार्यक्रम

News Today 

वणी निष्काम कर्मयोगी श्री संत गाडगेबाबा यांच्या 68 व्या पुण्यतिथी निमित शुक्रवार दिनांक 20 डिसेंबर 2024 ला संत गाडगेबाबा चौक वणी येथे स्मृती दिनाच्या निमित्ताने किरणताई संजय देरकर यांच्या प्रमूख उपस्तीतित मान्यवरांच्या उपस्थितीत अभिवादन व हारार्पण कार्यक्रम सकाळी 10 वाजता संपन्न झाला.

सर्वप्रथम श्री संत गाडगे बाबांच्या स्मारकाला किरनताई संजय देरकर, विजय चोरडिया, दिपक कोकास,सुनील कातकडे, संभाजी वाघमारे, दिलीप मस्के, शेखर चिंचोलकर, यांचे हस्ते पुष्पहार व फुले अर्पण करून अभिवादन करण्यात आले.

गरजूंना ब्ल्यंकेट तर महाप्रसादाचे वितरण.

संत गाडगेबाबा यांच्या स्मृतिदिननिमित्त गरजवंताला ब्ल्यांकेट वाटप नगर सेवा समितीच्या वतीने विजय चोरडिया यांच्या मार्गदर्शनात तर महाप्रसादाचे वितरण व्यवस्था संभाजी वाघमारे यांच्या हस्ते करण्यात आली.

गाडगे बाबांच्या कार्याची उजळणी.

गुरुदेव सेवा मंडळाचे ठेंगणे, विजयाताई दहेकर, विजय चोरडिया, किरण ताई देरकर, सुनील कातकडे व दिलीप मस्के यांनी संत गाडगेबाबांच्या कार्याची महती सांगितली.

*समाजाला गाडगे बाबांच्या स्वचछता व शिक्षणाची व निर्व्यसनी जिवन जगण्याच्या विचारांची आजही गरज असल्याचे प्रतिपादन किरन ताई देरकर यांनी केले.*

यावेळी गीता ताई उपरे, नंदा गुहे, चंदा मुन, वैशाली देठे, मीनाक्षी मोहिते, पुष्पाताई भोगेकर, सुरेखा आवरी, कलावती क्षिरसागर, भावना मुके,बेबी ताई थेटे, प्रतिभा फाले, गीता तुरणकर, संगीता दोडके,रिंकू महाकुलकर, रुपाली महाकुलकर, साधना तुरणकर , माधुरी फाले राजु तुरणकर, प्रवीण खानझोडे, रवी बोडेकर, गुलाब आवारी, संजय देठे भगवान मोहिते, दिलीप भोयर, विनोद ढुमणे, राजु धवांजेवार, प्रदीप मुके, मंगेश भोस्कर, उमाकांत भोजेकर, नितीन बिहारी, स्वप्नील बिहारी महादेव दोडके, संदिप फाले, गजनान पिंपलकर, अरविंद क्षीरसागर, राजेश महाकुलकर, दिलीप नांदे, भास्कर पत्रकार , नरेंद्र क्षीरसागर, राजेश क्षीरसागर, गणेश दूरकर सुमित तुरानकर, संजय तुराणकर, संदीप फाले पुरुषोत्तम थाटे, सुनील चिंचोळकर, पवन महाकुलकर, सतीश दोडके, दिवाकर नागपूरे, सचिन क्षिरसागर , विनोद महाकुलकर, मंगल भोंगळे,राजु बोबडे, विजय गुडदे, गजेंद्र थेटे, संजय चिंचोलकर, गणेश दोडके उपस्तीत होते.

स्मारक स्थळी वृक्षारोपण..

आज श्री संत गाडगेबाबा स्मारक निळापूर रोड येथे संत गाडगेबाबांच्या मंदिर परिसरात वृक्षारोपण करून बाबांच्या मूर्तीला पुष्पहार घालून अभिवादन करण्यात आले

News Today

वणी :- केंद्रीय गृहमंत्री अमित शहा यांनी भर संसदेत भारतीय राज्य घटनेचे शिल्पकार भारतरत्न डॉ. बाबासाहेब आंबेडकर यांच्याप्रती अपमान जनक टिपणी केल्याने संपूर्ण देशात रोष पसरला आहे. नागपूर येथे चालू असलेल्या विधिमंडळात देखील याचे लोन पोहचले असून विरोधी पक्षाकडून आज ता. १९ रोजी सकाळी ११ वाजता विधान भावनांच्या पायरीवर जोरदार निदर्शने करण्यात आली आहे. यात वणी विधानसभेचे आमदार संजय देरकर हे देखील डॉ. आंबेडकरांच्या सन्मानासाठी मैदानात उतरले आहे.

नागपूर येथे हिवाळी अधिवेशन चालू आसून अधिवेशनाचा आजचा चौथा दिवस आहे. दररोज विविध आंदोलने विरोधी पक्षाकडून गेल्या जात आहे. त्यामुळे सत्ताधाऱ्यांची चांगलीच कोंडी होताना दिसून येत आहे.

भारतीय राज्य घटनेचे शिल्पकार तथा तमाम भारतीयांच्या उधारकर्ते डॉ. बाबासाहेब आंबेडकर आहेत हे आता देशाला सांगायची गरज उरली नाही. परंतु सातत्याने भाजप व मनुवादी व्यवस्थेकडून भारतीय राज्य घटना व राज्य घटनेचे शिल्पकार डॉ. बाबासाहेब आंबेडकरांचा अनादर केल्या जात आहे. ज्यांच्या रजयघटनेने दिलेल्या अधिकाराने देशाची सूत्र सांभाळली जात आहे. तेच लोक आज डॉ. आंबेडकरांचा अवमान करीत आहे. अश्या लोकांना सत्तेत बसायचा कोणताही नैतिक  अधिकार नाही असे मत वणी विधानसभेचे आमदार संजय देरकर यांनी यावेळी व्यक्त केले. या आंदोलनात आमदार संजय देराकर हे निळी टोपी लावून सहभागी झाल्याने आंबेडकरवादी जनतेनी आमदार  संजय देरकर यांची दखल घेतली आहे. 

शेतमालाच्या हमीभावासाठी कपासीचे झाड पोहचले विधिमंडळात

आ. संजय देरकर यांनी कपासीचे झाड घेवून मागितला शेतकऱ्यांना न्याय

News Today
वणी :- नागपूर येथे राज्याचे हिवाळी अधिवेशन चालू असून विरोधकांकडून सरकारला विविध प्रश्नावर घेतल्या जात आहे. आज तारीख १८ अधिवेशनाचा तिसरा दिवस असून सभागृहाच्या पायरीवर महाविकास आघाडीकडून शेतकऱ्यांच्या शेत मालाला हमीभाव अधिक ५०% नफा घोशित करण्यात यावा या करिता आंदोलन करण्यात आले. या आंदोलनात वणी विधानसभेचे लोकप्रिय आमदार संजय देरकर यांनी चक्क शेतातील कपासीचे झाड घेवून शेतकऱ्यांना न्याय मागितल्याने सर्वत्र शेतकऱ्यांमध्ये आ. देरकरांच्या भूमिकेचे कौतुक केल्या जात आहे.

मागील दहा वर्षात केंद्रात व राज्यात डबल इंजनची सत्ता असून शेतकऱ्यांना हमी भाव अधिक ५०% नफा देवू म्हणून आश्वासन देणाऱ्या भाजपने शेतकऱ्यांना देशोधडीला लावले आहे. शेतकर्यांनी ना कर्ज माफी केल्या जात आहे. ना त्यांच्या शेतमालाला योग्य भाव दिल्या जात आहे. शेतकऱ्यांचा लागत खर्च देखील निघत नसल्याने मुद्दलमध्ये तोटा निर्माण होत आहे. असे असताना शेतकऱ्यांच्या कष्टाचे मूल्य सरकार ठरवू शकत नाही आहे. हे सरकार शेतकरी विरोधी धोरण आखून शेती हा व्यवसाय नष्ट करू पाहत आहे. परंतु हे सरकारचे मनसुबे पूर्ण होणार नाही. असा सूर विरोधी पक्षाकडून निघत आहे.

आज हिवाळी अधिवेशनाचा तिसरा दिवस या निमित्ताने महाविकास आघाडीचे सर्व पक्षांची गटनेते विद्यमान आमदार यांनी विधानभवनाच्या पायरीवर शेतकऱ्याच्या शेतमालाला हमीभाव मिळालाच पाहिजे, कर्ज माफी झालीचं पाहिजेत, शेतकऱ्याना शेती पंपासाठी पूर्णवेळ विज मिळालीच पाहिजेत, यासाठी लाक्षणिक आंदोलन केले त्यानिमित्ताने विधानसभेतील सर्व महाविकास आघाडीचे आमदार व नेते मंडळी उपस्थित होते. वणी विधानसभेतील आमदार संजय देरकर हे सुद्धा या आंदोलनात सहभागी होते त्यांनी कपासीचे बोंडे भरलेले झाडच विधी मंडळात पोहचविण्याचे शेतकऱ्यांसाठी झटणारा एकमेव आमदार म्हणून त्यांचे वणी विधानसभा क्षेत्रातील शेतकऱ्यांमध्ये चर्चा होत आहे.