News Today
वणी:- शहर व ग्रामीण अवैध दारूविक्री अवैध्य वरली मटका जुगाराला आळा घालण्यासाठी वणी पोलिसांनी मागील एका वर्षात मोठी मोहीम राबवली आहे. या कालावधीत तब्बल १०६ वरली मटका जुगारांच्या गुन्ह्यांची नोंद करण्यात आली असून ६५ अवैध दारू विक्रेत्यांवर कठोर कारवाई करण्यात आली आहे. संपूर्ण वणी विभागात अश्या मोठ्या प्रमाणात पहिल्यांदाच वणी पोलिसांकडून अश्या कारवाया केल्याची उल्लेखनीय बाब समोर आली आहे.
ही कारवाई पोलिस निरीक्षक गोपाल उंबरकर यांच्या मार्गदर्शनाखाली सातत्याने करण्यात आली. दारूबंदी व जुगार प्रतिबंधक कायद्याची प्रभावी अंमलबजावणी करत पोलिसांनी गुप्त माहितीच्या आधारे छापे टाकून देशी-विदेशी अवैध दारू, व अवैध्य जुगार , वरली मटका व्यावसायिकांवर कारवाई करीत साहित्य व मुद्देमाल जप्त करून त्यांच्या मुसक्या आवळत अत्यंत यशस्वीपणे ही मोहित राबविली.
अवैध दारूमुळे होणारे सामाजिक दुष्परिणाम, गुन्हेगारी वाढ आणि नागरिकांच्या आरोग्याला निर्माण होणारा धोका लक्षात घेता ही मोहीम अधिक तीव्र करण्यात आली. तसेच कायदा व सुव्यवस्थेला अबाधित ठेवण्यासाठी पोलिसांच्या या कारवाईमुळे वरली मटका, जुगार व अवैध दारू विक्रेत्यांमध्ये खळबळ उडाली असून सर्वसामान्य नागरिकांतून समाधान व्यक्त करण्यात येत आहे.
वणी पोलिसांकडून भविष्यातही अशीच कठोर कारवाई सुरू राहणार असल्याचे संकेत देण्यात आले असून, नागरिकांनी अवैध दारूविक्रीबाबत माहिती देण्याचे आवाहन पोलिसांनी केले आहे.
