News Today
वणी शहरासह परिसरात सध्या सायबर फसवणुकीचा अत्यंत गंभीर प्रकार समोर येत आहे. Bank of India च्या नावाने “Reward Points”, “आजच संपणार”, “₹7250 जमा होतील” अशा आमिषपूर्ण मजकुरासह PDF / APK फाइल WhatsApp वर पाठवली जात आहे.
धक्कादायक बाब म्हणजे, ज्यांचा WhatsApp एकदा हॅक होतो, त्यांच्या नातेवाईकांना, मित्रांना व सर्व WhatsApp ग्रुपमध्ये हाच फसवणुकीचा मेसेज आपोआप पुढे पाठवला जात आहे. त्यामुळे हा मेसेज विश्वासार्ह वाटून अनेक निरपराध नागरिक त्याची शिकार होत आहेत.
🔴 फसवणूक कशी वाढते?
नागरिक PDF / APK फाइल उघडतात मोबाईलमध्ये हॅकिंग सॉफ्टवेअर (Malware) इन्स्टॉल होते
WhatsApp, बँक OTP, UPI, संपर्क यादीवर हॅकर्सचा ताबा जातो, त्याच व्यक्तीच्या WhatsApp मधून सर्व कॉन्टॅक्ट्स व ग्रुपमध्ये तोच मेसेज पसरवला जातो, काही मिनिटांतच बँक खाते रिकामे होते
❌ काय करू नये?
ओळखीच्या व्यक्तीकडून आला तरी PDF / APK / लिंक उघडू नका
“Reward”, “Cashback”, “Account Update” अशा मेसेजवर विश्वास ठेवू नका लक्षात ठेवा – कोणतीही बँक WhatsApp वर APK किंवा PDF पाठवत नाही.
काय करावे?
असा मेसेज त्वरित Delete करा, मेसेज पाठवणारा नंबर Block व Report करा, फाइल उघडली असल्यास त्वरित: बँकेत संपर्क साधून खाते सुरक्षित करा UPI व नेटबँकिंग बंद करा, जवळच्या सायबर पोलीस ठाण्यात तक्रार नोंदवा
📢 नागरिकांना आवाहन
हा मेसेज केवळ एक व्यक्तीपुरता मर्यादित नसून हॅक झालेल्या WhatsApp मधूनच वेगाने पसरत आहे. त्यामुळे नागरिकांनी अधिक सतर्क राहून ही माहिती जास्तीत जास्त लोकांपर्यंत पोहोचवावी, जेणेकरून आणखी नागरिक सायबर फसवणुकीपासून वाचतील.
👉 सावध रहा – सतर्क रहा – सायबर फसवणुकीपासून स्वतःला व समाजाला वाचवा!
