News Today
नागपूर (बुटीबोरी): दुधा-मांगली अतिरिक्त एमआयडीसीतील अवादा कंपनीत दि. १९ डिसेंबर २०२५ रोजी सकाळी सुमारे ११ वाजता पाण्याच्या १५-१६ लाख लिटर क्षमतेच्या टाकीचा जोरदार स्फोट झाला. या दुर्घटनेत सहा कामगारांचा जागीच मृत्यू झाला असून, अनेकजण गंभीर जखमी झाले आहेत.
स्फोटाची तीव्रता इतकी होती की टाकीची पत्रे आणि लोखंडी संरचना दूरवर उडाली. त्यात काम करत असलेले कामगार अडकले. जखमींना तात्काळ एम्स नागपूरला हलवण्यात आले असून, त्यांच्यावर आयसीयूत उपचार सुरू आहेत.
मृत कामगारांची नावे आणि माहिती:अरविंद कुमार ठाकुर (२८, चंपारण, बिहार)अशोक कंचन पटेल (४२, पहाडपूर, बिहार)अजय राजेश पासवान (२६, मुजफ्फरपूर, बिहार)सुधांशु कुमार नागेश्वर साहणी (३६, मुजफ्फरपूर, बिहार)बुलेट कुमार इंद्रजीत शाह (३०, पश्चिम चंपारण, बिहार)शमीम अन्सारी (४२, मुजफ्फरपूर, बिहार)घटनेची कल्पना येताच बुटीबोरी पोलीस, अग्निशमन दल आणि प्रशासकीय यंत्रणा घटनास्थळी दाखल झाली.
बचावकार्य युद्धपातळीवर राबवले गेले. परिसरात शोककळा पसरली असून, मृतकांच्या कुटुंबियांवर दुःखाचा डोंगर कोसळला आहे.या प्रकरणाने औद्योगिक सुरक्षेवर प्रश्नचिन्ह उपस्थित झाले आहेत.
टाकीची देखभाल, सुरक्षा तपासणी आणि क्षमता तपासण्यात दुर्लक्ष झाले का, याची चौकशी अपेक्षित आहे. दोषींवर कठोर कारवाईची मागणी होत आहे.
