News Today
यवतमाळ : रक्तदान व ऋणसेवेच्या उद्देशाने कार्यरत असलेल्या निःस्वार्थ सेवा फाउंडेशन यवतमाळ या सामाजिक संस्थेला यंदा पाच वर्षे पूर्ण होत आहेत. या निमित्ताने वर्धापन दिनानिमित्त एक विशेष कार्यक्रमाचे आयोजन करण्यात आले आहे.
कार्यक्रमाचे अध्यक्ष ज्येष्ठ समाजसेवक सुरेश राठी असून प्रमुख पाहुणे म्हणून तहसीलदार योगेश देशमुख, वाहतूक शाखा प्रमुख ज्ञानोबा देवकते, सर्व सामाजिक संस्था सामन्यवक प्रा. घनश्याम दरने आणि ज्येष्ठ समाजसेवक अनंता कोलगीरकर उपस्थित राहणार आहेत.
संस्थेचे संस्थापक, पदाधिकारी आणि सदस्य यांच्या उपस्थितीत हा कार्यक्रम पार पडणार असून, यामध्ये विविध सामाजिक कार्यकर्त्यांचा सन्मान करण्यात येणार आहे. कार्यक्रमानंतर संवाद सत्र व नवे उपक्रम जाहीर करण्यात येणार आहेत.
हा कार्यक्रम रविवार, १३ जुलै २०२५ रोजी सायंकाळी ५ वाजता, गणपती मंदिर, राधिका लेआउट, आर्णी रोड, यवतमाळ येथे आयोजित करण्यात आला आहे.
निःस्वार्थ सेवा फाउंडेशनने सर्व नागरिकांना या कार्यक्रमात सहभागी होण्याचे आवाहन केले आहे.
