News Today
वणी (प्रतिनिधी) : वणी पंचायत समिती निवडणुकीसाठी आरक्षणाची सोडत आज तारीख १३ रोजी दुपारी १२ वाजता महसूल भवन येथे वणी येथील निवडणूक अधिकारी तथा उपविभागीय अधिकारी नितीन कुमार हिंगोळे यांच्या अध्यक्षतेखाली पार पडली. या सोडतीत एकूण १० गणांकरिता जागावाटप निश्चित करण्यात आले असून त्यापैकी ५ जागा महिलांसाठी राखीव ठेवण्यात आल्या आहेत. यातील सभापतींच्या आरक्षणाची सोडत यवतमाळ येथे काल तारीख ११ रोजी संपन्न झाली असता अनुसूचित जमातीसाठी महिला राखील आहे.
एकूण १,५१,४०९ लोकसंख्येच्या वणी पंचायत समिती अंतर्गत १० गणांमध्ये पुढीलप्रमाणे आरक्षण निश्चित करण्यात आले आहे —
खुला प्रवर्ग (एकूण ५ जागा):
१. चिखलगाव – सर्वसाधारण महिला
२. नांदेपेरा – सर्वसाधारण (पुरुष/महिला)
३. वेल्हाळा (वसाहत) – सर्वसाधारण (पुरुष/महिला)
४. शिरपूर – सर्वसाधारण महिला
५. वागदरा – सर्वसाधारण महिला
अनुसूचित जमाती (ST) – २ जागा:
१. कायर – महिला
२. घोंसा – पुरुष/महिला
अनुसूचित जाती (SC) – १ जागा:
राजूर – पुरुष/महिला
नागरिकांचा मागास प्रवर्ग (OBC/नामप्र) – २ जागा:
१. तरोडा – पुरुष/महिला
२. शिंदोला – महिला
सोडतीदरम्यान निवडणूक अधिकारी तथा उपविभागीय अधिकारी यांच्या सोबत सहाय्यक निवडणूक अधिकारी तथा तहसीलदार निखिल धूळघर आणि पंचायत समिती वणीचे गटविकास अधिकारी किशोर गज्जलवार नायब तहसीलदार रामचंद्र खिरेकर , विवेक पांडे आदी उपस्थित होते.
आरक्षणाची सोडत “मंथन” या पाच वर्षीय बालकाच्या हस्ते पार पडली. बालकाने उपस्थित मान्यवरांच्या उपस्थितीत बॉक्समधून चिट्ठ्या काढून आरक्षण ठरविले.
यावेळी सर्व गणनिहाय मतदार याद्या प्रकाशित करण्यात आल्या असून, नागरिकांना त्या तपासून आक्षेप नोंदविण्याचे आवाहन करण्यात आले आहे. आजच आक्षेप नोंदविण्याची अंतिम तारीख असल्याचे निवडणूक अधिकारी यांनी स्पष्ट केले.
वणी पंचायत समितीच्या निवडणुकीसाठी ही सोडत प्रक्रिया पारदर्शक आणि शांततेत पार पडल्याने नागरिकांमध्ये समाधानाचे वातावरण आहे.
