News Today
वणी, २ ऑगस्ट – वणी कडून येणाऱ्या एका दुचाकीला विरुद्ध दिशेने भरधाव वेगाने येणाऱ्या ट्रकने जोरदार धडक दिल्याने मोठा अपघात घडला. हा अपघात मुकुटबन-पुरड मार्गावरील नागमोडीवर आज ता. २ रोजी सायंकाळ ५.३० वाजताच्या सुमारास घडला. अपघात घडतच ट्रक चालक हा आपला ट्रक घेऊन पसार झाला आहे.
दुचाकी क्रमांक एम.एच.२९ सी.एल. १३२४ या वाहनावरून जात असलेला प्रफुल संजय गागरे (वय २०) हा तरुण गंभीर जखमी झाला असून, त्याच्यासोबत असलेले आणखी दोन तरुणही गंभीर जखमी झाले आहेत. या दोघांची नावे अद्याप समजू शकलेली नाहीत.
अपघातात तिघांनाही तातडीने रुग्णालयात दाखल करण्यात आले असून, त्यांची प्रकृती चिंताजनक असल्याचे डॉक्टरांनी सांगितले आहे. ट्रकचा वेग खूपच जास्त असल्यामुळे धडक तीव्र होती आणि त्यामुळे दुचाकीस्वार रस्त्यावर दूर फेकले गेले.
या अपघाताची माहिती मिळताच काही नागरिकांनी घटनास्थळी धाव घेऊन जखमींना रुग्ण वाहिकेत टाकून रुग्णालयात रवाना केले आहे. असून स्थानिक नागरिकांनी अशा प्रकारच्या अपघातांवर आळा घालण्यासाठी रस्त्यावरील वाहतूक नियमांची काटेकोर अंमलबजावणी करण्याची मागणी केली आहे.
