News Today
झरिजामनी (प्रतिनिधी) – झमकोला गावातील एक तरुण शेतकरी सुरज विनायक मेश्राम (वय २४) याने आज ता. २१ मे रोजी दुपारी १ वाजताच्या सुमारास आपल्या शेतात झाडाला गळफास लावून आत्महत्या केली. या घटनेने गावात हळहळ व्यक्त करण्यात येत आहे.
सुरज यांच्याकडे सुमारे ३ एकर शेती होती. त्यामध्ये ते आपल्या कुटुंबाचा उदरनिर्वाह करत होते. मात्र अलीकडच्या काळात शेतीतून उत्पन्न कमी होत असल्यामुळे ते मानसिक तणावात होते, अशी माहिती ग्रामस्थांनी दिली.
आज दुपारी शेतात गेलेल्या सुरज यांनी झाडाला दोरीने गळफास लावून आपले प्राण गमावले. ही घटना लक्षात येताच कुटुंबीयांनी आरडाओरडा केला आणि ग्रामस्थ घटनास्थळी धावले. पोलिसांनी घटनास्थळी दाखल होऊन पंचनामा केला असून मृतदेह उत्तरीय तपासणीसाठी पाठवण्यात आला आहे.
सुरजच्या आत्महत्येचे नेमके कारण अजून स्पष्ट झाले नसले तरी आर्थिक अडचणी, नापिकी व कर्जबाजारीपणाचा संशय व्यक्त केला जात आहे. या प्रकरणाचा अधिक तपास स्थानिक पोलीस करत आहेत.
सध्या संपूर्ण झमकोला गावात शोककळा पसरली आहे. तरुण शेतकऱ्याच्या निधनाने गावात हळहळ व्यक्त होत असून शासनाने अशा शेतकऱ्यांच्या समस्या गांभीर्याने घ्याव्यात, अशी मागणी होत आहे.
