डी.बी. पथकातील वादग्रस्त हेड कॉन्स्टेबल विकास धडसे, शुभम सोनुले, सागर सिडाम यांची बदली
News Today (दिलीप भोयर)
वणी :- वणी पोलीस स्टेशनला “तोडी स्टेशन” बनविणाऱ्या तीन पोलिस कर्मचाऱ्यांवर वरिष्ठांनी कारवाईची बडगा म्हणून त्यांची तडकाफडकी बदली केली आहे. परंतु या बदलीने स्व . ललित लांजेवार यांना न्याय मिळेल का? असा प्रश्न अनुत्तरित आहे. त्यामुळे पोलिस विभागाची कार्यप्रणाली वादाच्या भोवऱ्यात सापडली आहे.
मागील ५ महिन्यात ४ पोलीस कर्मचाऱ्यांचे निलंबन आणि ठाणेदार अनिल बेहरानी यांची मुख्यालयी बदली पाठोपाठ शनिवारी डी बी पथकातील ३ पोलिस कर्मचाऱ्यांची तडकाफडकी उचलबांगडी करण्यात आली. हेड कॉन्स्टेबल विकास धडसे, शुभम सोनुले, सागर सिडाम असे बदली करण्यात आलेले पोलीस कर्मचाऱ्यांचा समावेश आहे.
वणी पोलीस स्टेशन हद्दीत अवैध धंदे व गुन्ह्यांवर आळा घालण्यासाठी पोलीस ठाण्यात वेगळे डिबी पथक (गुन्हा शोध शाखा) तयार करण्यात आले. मात्र मागील एका वर्षापासून डिबी पथकातील काही महाभाग पोलीस कर्मचाऱ्यांनी अवैध वसुली आणि तोडी करण्याचा सपाटा लावला. रेती तस्कारांसोबत संबंध, रेती चोरी व्यवसायात पोलिसांची भागीदारी, अवैध धंद्यांना पाठबळ तसेच शिवसेना शहर अध्यक्ष ललित लांजेवार मृत्यु प्रकरणी या तिन्ही पोलीस कर्मचाऱ्यांवर कारवाईची मागणी केली जात होती.
स्व. ललित लांजेवार यांनी वरील तीन कर्मचाऱ्यांची रेती तस्करीत सहभाग असल्याची पोलीस विभागाच्या वरिष्ठ अधिकाऱ्यांपर्यंत तक्रार केल्याने यातील एका कर्मचाऱ्यांनी ललितला जातीवाचक गुन्ह्यात अडकविण्याची धमकी दिली होती. त्याच धमकीची धास्ती घेतल्याने ललित यांना हृदय विकाराच्या झटका आला व त्यात त्यांचा मृत्यू झाल्याचा आरोप होत आहे.
जर या तीन कर्मचाऱ्यांचे रेती तस्करीत सहभाग असेल तर ललित लांजेवार यांनी केलेली तक्रार ही खरी होती. पोलिस विभागात राहून जर कायदा तोडून पोलिसच तस्करदार होत असेल तर हा गुन्हा गंभीर आहे. केवळ बदलीचे फार्स आवळून पोलिस विभाग त्यांच्या गुन्ह्यांवर पदडा घालत असल्याचे आरोप आता होत आहे. जर ते पोलिस दोषी नसेल तर त्यांचेवर बदलीची कारवाई का केल्या जात आहे. याचा खुलासा पोलिसांनी देण्याची गरज निर्माण झाली आहे.
विविध प्रकरणात खाकीतील खादाडांनी लावले डाग..!
येथील पोलिस स्टेशनचे कर्मचारी मटका, जुगार, अवैध दारु विक्री, वाहतूकदार यांच्याकडून पोलिसांची हप्तावसुली काही नवीन गोष्ट राहिलेली नाही. मात्र गोवंश तस्करी व कत्तलखाना चालकांकडून हप्ता वसुलीचे डाग पहिल्यांदा वणी पोलिसांच्या खाकीवर लागले आहे. शहरात ठिकठिकाणी सूरु असलेले देह व्यवसायालाही पोलिसांचा पाठिंबा असल्याचे बोलले जाते. नुकतेच २७ जानेवारी रोजी शहरातील एका वसाहतीत केलेल्या कारवाईत डिबी पथकाने देह व्यवसाय करणाऱ्या ४ महिला व ३ ग्राहकाला त्यांचे वाहनासह ताब्यात घेतले. मात्र आर्थिक व्यवहारातून ग्राहकाला कारवाईतून वगळण्यात आल्याची जोरदार चर्चा आहे .
