News Today
नेरड–पुरड–हिवरधरा येथील विविध कार्यकारी सोसायटीच्या बँक प्रतिनिधी पदासाठी अनिल कुचनकर यांची सर्वानुमते निवड करण्यात आली. या निवडीबद्दल सोसायटीच्या वतीने त्यांचे हार्दिक अभिनंदन करण्यात आले.
या प्रसंगी सोसायटीचे अध्यक्ष गजानन किन्नेकर यांच्यासह संतोष कुचनकर, गणपत लेडांगे, बाबाराव तुराणकर, वसंता थेटे, भाऊराव मिलमीले, रविभाऊ नक्षीने, उमेश कुचनकर, रामदास करलुके, अंबादासजी उंबरे, चंदु बोंडे, सुचिता ठावरी, बेबी राजगडकर आदी संचालक व सदस्य उपस्थित होते. तसेच विविध कार्यकारी सोसायटीचे सचिव मुळे साहेब आणि निवडणूक अधिकारी यांनीही उपस्थित राहून निवडणूक प्रक्रिया यशस्वीरीत्या पार पाडली.
अनिल कुचनकर यांच्या निवडीमुळे सोसायटीच्या आर्थिक व प्रशासकीय कामकाजाला नवी दिशा मिळेल, असा विश्वास यावेळी व्यक्त करण्यात आला. सर्व उपस्थितांनी त्यांना पुढील कार्यकाळासाठी शुभेच्छा देत सोसायटीच्या प्रगतीसाठी सहकार्य करण्याचा निर्धार व्यक्त केला.
