News Today
वणी नगर परिषद निवडणुकीत प्रभाग क्रमांक १४ (क) मध्ये राजकीय वातावरण तापले असून, राष्ट्रवादी काँग्रेस पार्टी (शरदचंद्र पवार) गटाच्या अधिकृत उमेदवार माया मारोती ढुरके यांनी थेट भाजपच्या माजी आमदार बोदकुरवार यांचेवर दबाव टाकल्याचा गंभीर आरोप केला आहे.
मिळालेल्या माहितीनुसार, माया ढुरके यांनी सुरुवातीला भाजपकडून बोदकुरवार यांना उमेदवारी मागितली होती. मात्र, त्यांनी उमेदवारी न मिळाल्याने त्यांनी राष्ट्रवादी (शरद पवार) गटाकडून प्रभाग १४ (क) मधून आपले नामांकन दाखल केले. या प्रभागात केवळ तीनच उमेदवार रिंगणात असल्याने व मायाताई यांचे जबरदस्त प्रभुत्व असल्याने निवडणुकीला वेगळेच समीकरण निर्माण झाले आहे.
ढुरके म्हणाल्या की, “मी एक माजी नगर सेविका असून आता राष्ट्रवादीची अधिकृत उमेदवार म्हणून अर्ज दाखल केला असून कोणत्याही दबावाला बळी पडणार नाही. माजी आमदारांनी केलेला हा प्रयत्न निवडणूक प्रक्रियेवर परिणाम करणारा आहे.”
त्यांच्या या खुलाशामुळे वणी शहरात मोठी राजकीय खळबळ उडाली आहे.
राष्ट्रवादी (शरद पवार) गटात या प्रकारामुळे तीव्र नाराजी असून पक्षाकडूनही या घटनेची गंभीर दखल घेण्यात येण्याची शक्यता आहे. दुसरीकडे, भाजपकडून अद्याप कोणतीही अधिकृत प्रतिक्रिया मिळालेली नाही.
प्रभाग १४ (क) मध्ये तीन उमेदवारांच्या चुरशीच्या लढतीत अशा प्रकारच्या आरोपांमुळे निवडणुकीचे वातावरण आणखी चिघळण्याची चिन्हे दिसत आहेत.
व्हिडिओ बघण्यासाठी लिंक ओपन करा
https://youtu.be/PKiE6sROXM0?si=P2g40tVLU2L_ZSNi
