News Today
वणी – आज दि. २ ऑगस्ट रोजी सकाळी ९ वाजता सैदाबाद फाट्याजवळ एक कच्चे सिमेंट वाहतूक करणारे बल्कर (कॅप्सूल) वाहन पलटल्याची घटना घडली. सदर वाहन मुकुटबनकडून येत होते. दरम्यान, विरुद्ध दिशेने येणाऱ्या बैलगाडीला वाचविण्याच्या प्रयत्नात चालकाचे वाहनावरील नियंत्रण सुटले आणि अपघात झाला.
या अपघातामुळे घटनास्थळी दोन्ही बाजूंनी वाहतूक पूर्णपणे ठप्प झाली. सकाळपासूनच वाहनांच्या लांबच लांब रांगा लागल्या होत्या. दुपारी तीन वाजेपर्यंत वाहतूक सुरळीत करण्यात प्रशासनाला अपयश आले होते.
घटनेची माहिती मिळताच शिरपूर पोलिस स्टेशनचे ठाणेदार माधव शिंदे आणि वणी वाहतूक शाखेचे पोलिस उपनिरीक्षक शंकर राजगडकर यांच्या मार्गदर्शनाखाली पोलिस कर्मचारी प्रमोद मडावी, नवनाथ कल्याणकर व इतर सहकाऱ्यांनी घटनास्थळी धाव घेतली. वाहतूक सुरळीत करण्यासाठी त्यांनी प्रयत्न सुरू ठेवले होते.
दरम्यान, कोणतीही जीवितहानी झाली नसली तरी वाहनांचे मोठे नुकसान झाले आहे. अपघातग्रस्त बल्कर हटवण्यासाठी यंत्रसामग्रीचा वापर करून वाहतूक पूर्ववत करण्याचे काम सुरू होते.
