News Today
वणी – मुकुटबन मार्गावरील (घोंसा चौफुली ते १८ नंबर पूल) तब्बल ६० कोटी रुपयांचा रस्ता हमी कालावधीत असतानाही संपूर्ण उखडून गेला आहे. रस्त्यावरील खड्ड्यांमुळे नागरिक व वाहनधारकांना जीव धोक्यात घालून प्रवास करावा लागत असल्याने मोठा संताप उसळला आहे.
या संदर्भात नागरिकांनी वारंवार तक्रारी करूनही PWD वणी उपविभाग व संबंधित ठेकेदाराने गंभीर दुर्लक्ष केले. दुरुस्तीच्या नावाखाली केवळ खड्ड्यांमध्ये उपरी गिट्टी टाकून बुजविण्याचा फसवा प्रकार करण्यात आला. यामुळे — वाहनांचे टायर फुटण्याचा धोका वाढला आहे. अपघात घडण्याची शक्यता आणखी तीव्र झाली आहे,
तसेच ही कारवाई म्हणजे ठेकेदारांची उघड पाठराखण व जनतेची फसवणूक असल्याचा राष्ट्रवादी काँग्रेस पार्टी (शरदचंद्र पवार) गटाचे विधानसभा अध्यक्ष दिलीप भोयर यांनी केला आहे.
रॉकपच्या मागणी
रस्ता तातडीने मानक निकषांनुसार दुरुस्त करण्यात यावा. दोषी ठेकेदार व संबंधित PWD अधिकाऱ्यांवर गंभीर कारवाई करून गुन्हे दाखल करावेत, संपूर्ण प्रकरणाची स्वतंत्र चौकशी करून अहवाल जाहीर करण्यात यावा.
आंदोलनाचा इशारा
जर मागण्या १५ दिवसांच्या आत मान्य झाल्या नाहीत, तर नागरिक रस्त्यावर उतरून खड्ड्यात आंदोलन, रस्ते रोको, टायर जाळणे व पुतळा दहन अशा तीव्र आंदोलनात्मक भूमिका घेतील. याची संपूर्ण जबाबदारी प्रशासन व संबंधित अधिकाऱ्यांवर राहील, असा इशारा देण्यात आला आहे.
