News Today
वणी (ता. प्र. ) – तालुक्यातील वाघदरा जोड मार्गावर सुमारे १.५० किलोमीटर लांबीच्या रस्त्याच्या सुधारणा व २०० मीटर मोरी बांधकाम कामासाठी भूमिपूजन समारंभ आज ता. १३ मे रोजी दुपारी ४ वाजता विधानसभेचे लोकप्रिय आमदार संजय देरकर यांच्या हस्ते मोठ्या उत्साहात पार पडणार आहे. या कामासाठी महाराष्ट्र शासनाच्या जि.प. बांधकाम विभाग क्रमांक १, यवतमाळ यांच्या अंतर्गत अंदाजे ३४ लाख ६३ हजार ३८२ रुपये इतका निधी मंजूर करण्यात आला आहे.
या भूमिपूजन समारंभाचे उद्घाटन आमदार संजय देरकर यांच्या शुभहस्ते करण्यात येणार असून कार्यक्रमाच्या अध्यक्षस्थानी सौ. शितलताई गौरकार, सरपंच प्रा.ग्रा. वाघदरा ह्या उपस्थित असणार आहे. तसेच ग्रामपंचायतीचे सदस्य, उपसरपंच व मोठ्या संख्येने ग्रामस्थ यावेळी उपस्थित राहणार आहे.
या रस्त्याच्या कामामुळे वाघदरा या गावाची दळणवळण सुधारेल तसेच स्थानिक लोकांना रोजगाराच्या संधीही मिळतील, असे मत ग्रामस्थांनी व्यक्त केले. दिनांक १३ मे २०२५ रोजी हा समारंभ पार पडणार आहे. या कार्यक्रमाला महाविकास आघाडीतील सर्व घटक पक्षातील पदाधिकारी व कार्यर्त्यांनी तसेच शिवसेना उबाठा पक्षाच्या पदाधिकारी , शाखा प्रमुख व सर्व प्रतिष्ठित ग्रामवासीयांनी उपस्थित राहण्याचे आवाहन करण्यात आले आहे.
