News Today
वणी, ता. ६ मे – वणी विधानसभेचे आमदार संजय देरकर यांच्या विशेष पाठपुराव्यामुळे वणी एस.टी. आगाराला ५ नवीन बसेस प्राप्त झाल्या असून, त्या उद्यापासून प्रवाशांच्या सेवेत दाखल होणार आहेत. या नव्या बसेसमुळे वणी परिसरातील प्रवाशांना अधिक सोयीचा आणि सुटसुटीत प्रवास अनुभवता येणार आहे.
या बसेसच्या लोकार्पणाचा भव्य सोहळा उद्या, ७ मे २०२५ रोजी सकाळी १० वाजता वणी एस.टी. आगारात आयोजित करण्यात आला आहे. या कार्यक्रमास वणीचे आमदार संजय देरकर यांची प्रमुख उपस्थिती राहून बसेसचा लोकार्पण सोहळा संपन्न करणार आहे.
या कार्यक्रमास सर्व नागरिक, शिवसैनिक, तसेच आमदारांचे हितचिंतक आणि प्रवासी वर्ग यांनी मोठ्या संख्येने उपस्थित राहावे, असे आवाहन आयोजकांकडून करण्यात आले आहे. वणी आगारासाठी ही नव्याने प्राप्त झालेली वाहने ही वाहतूक व्यवस्थेतील एक सकारात्मक पाऊल असून, ग्रामीण व शहरी भागातील प्रवास अधिक सुलभ आणि वेगवान होणार आहे.
