News Today
वणी:- झरीजामनी तालुक्यातील अडेगाव येथे शुक्रवारी तारीख ५ रोजी मध्यरात्री झालेल्या एका भीषण घटनेने गाव हादरले आहे. गावातील रहिवासी पुरुषोत्तम टेकाम (वय ६०) यांच्यावर अद्न्यात व्यक्तीकडून कुऱ्हाडीने जीवघेणा हल्ला करण्यात आला. ही घटना रात्री सुमारे १२.३० वाजता घडली.
झोपेतच घडला हल्ला
मिळालेल्या माहितीनुसार टेकाम हे घरात झोपलेले असताना अचानक घरातील लाईट बंद करण्यात आला आणि त्यानंतर कुऱ्हाडीने वार करण्यात आले. या हल्ल्यात ते गंभीर जखमी झाले.
वणी ग्रामीण रुग्णालयात उपचार
जखमी अवस्थेत त्यांना तातडीने वणी ग्रामीण रुग्णालयात दाखल करण्यात आले असून तेथे प्राथमिक उपचार करण्यात आले आहेत. त्यांची प्रकृती चिंताजनक असल्याचे समजते.
पोलिसांचा तपास सुरू
या घटनेची माहिती मिळताच मुकुटबन पोलिस घटनास्थळी दाखल झाले. हल्लेखोर कोण, हल्ल्यामागील कारण काय याचा शोध सुरू आहे. पोलिसांनी गुन्हा दाखल करून तपासाला गती दिली आहे.
गावात भीतीचे वातावरण
अचानक झालेल्या या हल्ल्यामुळे अडेगाव व परिसरात भीतीचे वातावरण निर्माण झाले आहे. गावकऱ्यांमध्ये या घटनेमुळे प्रचंड खळबळ उडाली असून हल्लेखोरांना लवकरात लवकर अटक करण्याची मागणी होत आहे.
