संत नामदेव महाराज राष्ट्रीय एकता विश्व महासंमेलनाच्या आयोजन समितीची बैठक अमरावतीत पार पडली

अमरावती, दि. 27 एप्रिल 2025 –
संत नामदेव महाराज राष्ट्रीय एकता विश्व महासंमेलनाच्या आयोजन समितीची महत्त्वपूर्ण बैठक आज अमरावती येथे संपन्न झाली. या बैठकीस विदर्भ समाजाचे सर्व जिल्हा व तालुका स्तरावरील पदाधिकारी उपस्थित होते.

बैठकीच्या सुरुवातीला पहलगाम येथे झालेल्या दहशतवादी हल्ल्यात शहीद झालेल्या देशबंधूंना आणि पुण्यातील व्यापारी बंधू  गणबोटे यांच्या हौतात्म्यास अश्रूपूरित मूक श्रद्धांजली अर्पण करण्यात आली.

या बैठकीला अखिल भारतीय नामदेव क्षत्रिय महासंघ नवी दिल्लीचे राष्ट्रीय अध्यक्ष भास्करराव टोम्पे, ज्येष्ठ नेते  ईश्वर धिरडे,  अनंत जंगजोड, विदर्भ टेलर सोसायटीचे अध्यक्ष  राजू किटये,  प्रदीप गंधे यांच्यासह विदर्भातील सर्व जिल्ह्यांतील अधिकारी व माता-भगिनींची उपस्थिती होती.

या बैठकीत महासंमेलनाच्या आयोजनाची तयारी, नियोजन व आगामी कार्यक्रमांविषयी सविस्तर चर्चा करण्यात आली. सर्व पदाधिकाऱ्यांनी एकत्रितपणे कार्य करण्याचा निर्धार व्यक्त केला. या बैठकीची माहिती पश्चिम महाराष्ट्राचे मुख संघटक  संतोष मुळे यांनी दिली.