News Today
वणी :- येथून जवळच असलेल्या भांडेवाडा येथे तारीख १२ फेब्रुवारी रोजी रात्री ८ वाजता हनुमान मंदिर परिसरातील क्रीडांगणावरआमदार संजय देरकर यांच्या हस्ते कबड्डीच्या खुल्या सामन्याचे उद्धाटन व मान्यवरांचा सत्कार सोहळा संपन्न करण्यात आला. यावेळी श्री गुरुदेव सेनेचे अध्यक्ष दिलीप भोयर, माजी जि. प. सदस्य संघदीप भगत, सरपंच्या सौ. संगीता गोबाडे आदी मान्यवर उपस्थित होते.
भांदेवाडा येथील जय जगन्नाथ क्रीडा मंडळाकडून भव्य खुल्या कबड्डीचे सामने तारीख ११ फेब्रुवारी ते १३ पर्यंत आयोजित केले होते. या कार्यक्रमात भांदेवाडा या गावातील घेऊन विविध जिल्ह्यात शासकीय सेवेतून सेवा निवृत्ती घेणाऱ्या जवळपास ४० नागरिकांचा शाल व सन्मान चिन्ह देऊन आमदार संजय देरकर यांच्या हस्ते सत्कार करण्यात आला.
यावेळी उपसरपंच प्रेमानंद धानोरकर, सौ. सुरेखा आवारी, नानाजी झाडे, मो. अस्लम , सतीश तेडेवार, राजू डावे यांचे सह समस्त ग्रामवासी व क्रीडा प्रेमी जनता उपस्थित होते. यावेळी या कार्यक्रमाचे संचालन व आभार संजय गोबाडे यांनी मानले.
