News Today
वणी :- विधानसभेचे आमदार संजय देरकर आज तारीख ७ फेब्रुवारी रोजी सायंकाळी ६ वाजता शिबाला ता. झरिजामनी येथील आदिवासी आश्रम शाळेत चिमुकल्या विद्यार्थ्यांसोबत संवाद साधून त्यांच्या समस्या स्वतः जाणून घेणार आहे. त्याच ठिकाणी आपला तंबू ठोकून मुक्कामी असणार आहे. त्यासाठी सर्व प्रशासन कामी लागले आहे. महाराष्ट्र शासनाच्या संवाद चिमुकल्यांशी अभियान या महाराष्ट्र शासनाच्या कार्यक्रमाचे आयोजन करण्यात आले आहे.
महाराष्ट्रात शासनाच्या या उपक्रमामुळे शालेय कालावधीमध्ये शासनाने निर्गमित केलेल्या सर्व सोईसुविधा, अद्यावत करुन ठेवण्यात यावे व सदर कालावधीमध्ये सर्व शिक्षक शिक्षकेत्तर कर्मचारी गैरहजर राहणार नाही यादी दक्षता घ्यावी, व सर्व कर्मचारी शासनाने निर्गमित केलेल्या पोषाखामध्ये उपस्थित राहण्याबाबत आपल्या स्तरावरुन कळविण्यात यावे. असे निर्देश पांढरकवडा येथील एकात्मिक आदिवासी विकास प्रकल्प अधिकारी अमित रंजन यांनी संबंधित मुख्याध्यापक यांना देण्यात आले आहे.
एकात्मिक आदिवासी विकास प्रकल्प महाराष्ट्र शासन मंत्रालय आदिवासी समाजाचे लोकप्रतिनिधी, मंत्रालयीन अधिकारी शुक्रवार दि.०७. फेब्रुवारी, २०२५ रोजी राज्यातील शासकीय आदिवासी आश्रमशाळांमध्ये किंवा आदिवासी वसतीगृहामध्ये जाउन विद्यार्थ्यांच्या अडीअडचणी, समस्या जाणून घेण्यासाठी मुक्कामी थांबणार आहेत.
या कार्यालयाच्या कार्यक्षेत्रातील मा. मंत्री , राज्यमंत्री, खासदार, आमदार यांचेशी संपर्क साधले असता ते खालील शासकीय आदिवासी आश्रमशाळांमध्ये मुक्कामी थांबणार आहेत. यात वणी विधानसभेतील शिबला येथील आश्रम शाळेत आमदार संजय देरकर हे थांबणार आहे. सर्व त्यामुळे प्रशासन कामी लागले आहे.0
