रुग्णांना मिळणार अत्याधुनिक सुविधा
ग्रामीण रुग्णालयाची आढावा बैठक संपन्न.
News Today
वणी :- येथील ग्रामीण रुग्णालयातील सुसज्य आरोग्य सुविधेने भरून असलेले ट्रॉमा केअर सेंटर येत्या एका महिन्यात चालू करण्याच्या अनुषंगाने वणी विधानसभेचे आमदार संजय देरकर यांनी ग्रामीण रुग्णालयाचे वैद्यकीय अधीक्षक डॉ. सुलभेवार यांना सूचना दिल्या आहे.
आज तारीख ४ रोजी दुपारी १२ वाजता ग्रामीण रुग्णालयाची आढावा बैठक आ. देरकर यांच्या अध्यक्षतेखाली संपन्न झाली यावेळी ते बोलत होते.
मागील ७ ते ८ वर्षापासून ग्रामीण रुग्णालयाला लागून ट्रॉमा केअर सेंटर म्हणून इमारत बांधण्यात आली आहे. या इमारतीत अत्याधुनिक आरोग्य विषयक लागणाऱ्या सर्व साहित्य देखील उपलब्ध झालेले आहे. असे असताना देखील सर्व साहित्य धूळखात पडलेल्या अवस्थेत आहे.
आज आमदार संजय देरकर यांनी आरोग्य विभागाचे अधिकारी व कर्मचाऱ्यांची आढावा बैठक आयोजित केली असता या बैठकीच्या निमित्ताने सर्व इमारत व इमारतीतील साहित्याची पाहिनी केली व सर्व साहित्याची माहिती करून घेतली असता रुग्णांना अत्याधुनिक सुविधा पुरवितात येईल असे साहित्याबद्द या ठिकाणी उपलब्ध आहे.
परंतु त्या साहित्याचा वापर करण्यासाठी लागणारे तज्ञ मनुष्यबळ उपलब्ध नसल्याने ट्रॉमा केअर धूळखात पडले आहे.असे निदर्शनात आले असता आमदार देरकर यांनी एका महिन्यात ट्रॉमा केअर सेंटर चालू करण्यासाठी ज्या अडचणी आहे. त्या दूर करून सेंटर चालू करण्याच्या सूचना वैद्यकीय अधीक्षक डॉ. सुलभेवार यांना दिल्या आहे.
तसेच आरोग्य विभागातील कर्मचाऱ्यांनी एकामेकांच्या उणीवा न बघता रुग्णांना कोणत्या उपचाराची गरज आहे. त्याकडे लक्ष द्यावे व जनतेला सुविधा पुरविण्यात याव्या तसेच गोरगरीब ऋग्नच नाही तर व्हीआयपी उपचार पद्धत देखील या ट्रॉमा केर मध्ये सुरू करण्यात यावी असेही आ. देरकर यांनी सुचविले.
त्यामुळे येत्या महिन्याभरात ट्रॉमा केअर सेंटर सुरू करणे अनिवार्य असल्याचे मत व्यक्त करून वणी परिसरातील रुग्णांना अत्याधुनिक आरोग्याच्या सोयी सुविधा उपलब्ध करून देण्यासाठी सदैव कटी बद्ध राहू तसेच ट्राम केअर सेंटर चालू करण्यासाठी जिल्हा आरोग्य विभागाकडून पाहिजे त्या सुविधांची पूर्तता करण्याकरिता संबंधितांना सूचित करण्यात येईल असे आश्वासन आमदार संजय देरकर यांनी दिले आहे.
या आढावा बैठकला इंजि. कुंडलिक ठावरी, दिलीप भोयर, भगवान मोहिते, विवेक ठाकरे वैद्यकिय अधीक्षक डॉ. सुलभेवार, तालुका वैद्यकीय अधिकारी डॉ. समीर थेरे, डॉ. पी. एन. आवारी, डॉ. शिरीष ठाकरे, डॉ. भालचंद्र आवारी डॉ. शिरीष मांडेकर, डॉ. पोहे, डॉ. जगन जुनगरी, डॉ. अग्रवाल आदी मान्यवर उपस्थित होते.
