आ. संजय देरकरांच्या हस्ते अडेगाव येथे शंकर पटाचे थाटात उद्घाटन
News Today
वणी :- येथून जवळच असलेल्या झरिजामनी तालुक्यातील अडेगाव येथील इनामी बैल जोडीचा शंकर पटाचे आयोजन करण्यात आले असून या पटाचे उद्धाटन वणी विधानसभेचे आमदार संजय देरकर यांच्या हस्ते करण्यात आले असून यावेळी शंकर पटाची जोडी हाकाण्याचा मोह मात्र आमदार संजय देरकर यांना आवरता आला नाही. हा उद्धाटन सोहळा आज ता. ३ जानेवारी रोजी सकाळी ११.३० वाजता विक्रम भोयर यांचे शेतात संपन्न झाला.
शेतकऱ्यांमध्ये बैल जोडीचा पट हाकणे हा खेळ अत्यंत लोकप्रिय असल्याने दरवर्षी अडेगाव येथे हा पट आयोजित करण्यात येत असतात आज पासून सुरू झालेल्या या आयोजित पटाचे उद्धाटन सोहळ्याचे उद्घाटक म्हणून वणी विधानसभेचे आमदार संजय देरकर तर अध्यक्ष म्हणून अध्यक्ष म्हणून सरपंच भास्कर सुर, प्रमुख अतिथी म्हणून शिवसेनेचे जिल्हा ससंपर्क प्रमुख संतोष महुरे, दिलीप भोयर, पोलिस पाटील अशोक उरकुडे, माजी सरपंच अरुनजी हिवरकर, तंटामुक्ती अध्यक्ष शरद काळे, विक्रम भोयर, नितेश ठाकरे, सीताराम पिंगे, प्रदीप विंचू, दिवाकर आसुटकार, नामदेव मासिरकर, तुकाराम ठाकरे, डॉ. मसिरकर, किशोर चटप, माजी सरपंच्या सीमा लालसरे, प्रतिभा खोबरे, आदी मान्यवर उपस्थित होते.
