News Today
दिलीप भोयर
वणी :- भाजपाचे आमदार संजीवरेड्डी बोदकुरवार यांचा प्रचार कार्यालयात सुधीर साळी या भाजप पदाधिकाऱ्यांनी कुणबी समाजाबद्दल जातीला अनुसरून अर्वाच्च भाषेत वक्तव्य करून डिवचल्याने कुणबी समाजात मोठा रोष निर्माण झाला आहे. या निषेधार्थ आज साधनकरवाडी वणी येथील धानोजे कुणबी समाज समाज भवनात आज तारीख ५ रोजी रात्री ७ वाजता एका बैठकीचे आयोजन करण्यात आल्याची माहिती सकल कुणबी समाजाच्या वतीने देण्यात आली आहे.
वणी विधानसभेत कुणबी समाज प्रचंड मोठ्या प्रमाणात आहे. त्याच बरोबर भारतीय जनता पार्टीच्या विविध पदावर देखील कुणबी समाजाचे पुढारी आहे.
अश्यातच कुणबी समाजाबद्दल गैरकुणबी असलेला पदाधिकारी आमदार बोदकुरवार यांच्या समोरच कुनाब्याला कुत्र्यांची उपमा देत असताना ते तोंडातील मूंग गिळून गप्प का होते असा प्रश्न निर्माण झाला आहे. त्यामुळे असे अपमान जनक एखाद्या मोठ्या समाजाबद्दल भाषा वारणे भाजपच्या चांगलीच अंगलट येण्याची स्थिती निर्माण झाली आहे.
यापूर्वी देखील दस्तुर खुद आमदार महोदयांनी देखील काही कुणबी पदाधिकाऱ्यांना अपमानित केल्याची माहिती आहे. त्यामुळे भाजप गटातील इतर जातीच्या पदाधिकाऱ्यांची कुब्याणप्रती अर्वाच्च भाषेत शिवीगाळ करण्याची हिम्मत वाढली आहे. जे आमदार महोदयांच्या मनात क्रोध आहे.
तेच हे भुरके पदाधिकारी भाषा बोलत असल्याचे आरोप भाजपाचे काही कुणबी पदाधिकारी दबक्या आवाजात चर्चा करत आहे. एकीकडे निवडणूक आणि दुसरीकडे कुणबी समाजाला डिवचने म्हणजे कुणबी समजाप्रती भाजपाला किती आपुलकी आहे हे सर्व मतदार संघात दिसून येत आहे.
या अर्वाच्च भाषेच्या निषेधार्थ आज कुणबी समाजाचे पदाधिकारी व सर्व सदस्यांची आज बैठक बोलवली असून या बैठकीला सकल कुणबी समाजाच्या प्रतिनिधींनी उपस्थित राहण्याचे राहण्याचे आवाहन करण्यात आले आहे.
