News Today
वणी:- अमरावती विभागाचे अपर आयुक्त सुरज वाघमारे यांनी सोनेगाव (ता. वणी, जि. यवतमाळ) येथील पोलीस पाटील संजय लक्ष्मीनारायण जयस्वाल यांनी दाखल केलेल्या अपिल अर्जावर महत्त्वाचा अंतरिम आदेश जारी केला आहे.
महाराष्ट्र ग्राम पोलीस (नेमणूक, वेतन भत्ते व सेवा अटी) आदेश १९६८ अंतर्गत दाखल झालेल्या या अपिलमध्ये उपविभागीय दंडाधिकारी, वणी यांनी २३ ऑक्टोबर २०२५ रोजी दिलेल्या आदेशाविरुद्ध आव्हान करण्यात आले आहे.
अपिलार्थीच्या विनंतीनुसार यापूर्वी २४ नोव्हेंबर २०२५ रोजी स्थगिती दिली होती. आज, ३ डिसेंबर २०२५ रोजी त्यांच्या अधिवक्त्यांनी स्थगितीची मुदतवाढ मागितली असून, अपर आयुक्तांनी ती मान्य केली आहे. त्यामुळे पूर्वीचा स्थगिती आदेश कायम ठेवण्यात आला आहे.
या आदेशाची प्रत उपविभागीय अधिकारी, वणी यांना पुढील कार्यवाहीसाठी पाठविण्यात आली आहे.
