News Today
मारेगाव तालुक्यातील जळका फाट्याजवळ गुरुवारी रात्री सुमारे ८.१५ वाजता झालेल्या भीषण अपघातात दोन प्रवाशांचा मृत्यू झाला असून १५ प्रवासी गंभीररित्या जखमी झाले आहेत. चंद्रपूरहून यवतमाळकडे जाणारी बस (क्रमांक MH 40 Y 5782) व विरुद्ध दिशेने येणाऱ्या ट्रकची समोरासमोर धडक झाल्याने हा गंभीर अपघात घडला. घटनेची माहिती मिळताच आमदार संजय देरकर हे तातडीने दाखल झाल्याने मदतकार्या गतीमान झाले.
धडकेची तीव्रता इतकी जबरदस्त होती की ट्रकने बस अक्षरशः अर्धी चिरून टाकली. बसमधील दोन प्रवाशांचा घटनास्थळीच मृत्यू झाला असून अनेक प्रवाशी तसेच बस व ट्रक चालक गंभीर जखमी आहेत.
अपघातातील मृतक व जखमी प्रवाशांची अधिकृत नावे अद्याप समोर आलेली नाहीत.
घटनेची माहिती मिळताच आमदार संजय देरकर हे तातडीने घटनास्थळी दाखल झाले. त्यांनी बचावकार्य गतीमान करून मृतदेह व जखमी प्रवाश्यांना तत्काळ रुग्णालयात हलविण्याच्या सूचना दिल्या. प्राथमिक उपचारांनंतर बहुतांश जखमींना पुढील उपचारासाठी यवतमाळ येथील रुग्णालयात हलविण्यात आले आहे.
या भीषण अपघातामुळे परिसरात हळहळ व्यक्त केली जात असून पोलिसांनी पुढील तपास सुरू केला आहे.
