News Today
वणी : शिवसेना (उबाठा गट) चे कार्यकर्ते प्रवीण खानझोडे यांनी आजपासून पक्षाशी असलेला सर्व राजकीय संबंध संपुष्टात आणल्याची घोषणा केली आहे.
मागील चार वर्षांपूर्वी खानझोडे ही बहुजन समाज पार्टी मध्ये एक सक्रिय पदाधिकारी होते. त्यांनी BSP सोडून यवतमाळ येथे झालेल्या शिवसेना कार्यकर्ता मेळाव्यात, तत्कालीन पालकमंत्री व जिल्हाप्रमुख आदरणीय संजय राठोड, जिल्हा पदाधिकारी तसेच वणी येथील जिल्हा मध्यवर्ती बँकेचे तत्कालीन उपाध्यक्ष संजयभाऊ देरकर आणि विद्यमान आमदार यांच्या उपस्थितीत शिवसेनेत प्रवेश केला होता. त्यानंतर काही काळ सक्रियपणे कार्यरतही होते.
मात्र, खाजगी कारणास्तव पक्षकार्यास पुरेसा वेळ देता येत नसल्यामुळे त्यांनी पक्षापासून स्वतःला दूर करण्याचा निर्णय घेतला आहे. यासंदर्भात ते म्हणाले की, “शिवसेनेतील सर्व नेते, सहकारी व मित्रपरिवाराशी माझे आपुलकीचे व स्नेहाचे संबंध कायम राहतील. मात्र संघटनात्मक किंवा राजकीय कार्यात माझा पुढील काळात सहभाग नसेल.”
त्यांनी पक्षातील सर्व पदाधिकाऱ्यांना भावी राजकीय वाटचालीस शुभेच्छाही दिल्या आहे.
