तुमसरे इलेक्ट्रिकल व संकल्प फाउंडेशनचा उपक्रम
News Today
यवतमाळ – शासकीय औद्योगिक प्रशिक्षण संस्था (आय.टी.आय.) यवतमाळ येथील विजतंत्री (इलेक्ट्रिशियन) शाखेतील प्रथम वर्षातील ३५ विद्यार्थ्यांना ऑन-जॉब ट्रेनिंग अंतर्गत प्रत्यक्ष कार्यानुभव मिळणार आहे. “तुमसरे इलेक्ट्रिकल, वडगाव रोड” यांनी या विद्यार्थ्यांसाठी १५० तासांचे प्रशिक्षण उपलब्ध करून दिले आहे. हे प्रशिक्षण दिनांक ०२ जून २०२५ पासून २४ जून २०२५ पर्यंत चालणार आहे.
विद्यार्थ्यांना स्वतःच्या पायावर उभे राहण्यासाठी आवश्यक असलेल्या कौशल्यांचा विकास व्हावा, यासाठी सामाजिक क्षेत्रात कार्यरत संकल्प फाउंडेशनचे शहर प्रसिद्धी प्रमुख श्री. सागर महादेवराव तुमसरे यांनी पुढाकार घेतला असून, प्रशिक्षण व्यवस्थित पार पडावे यासाठी ते विशेष प्रयत्नशील आहेत.
या उपक्रमाचे नेतृत्व आय.टी.आय.चे प्राचार्य व्ही. जे. नागोरे व शिल्पनिदेशक जी. पी. ठोबंरे यांच्या मार्गदर्शनाखाली होत आहे. प्रशिक्षण पूर्ण करणाऱ्या विद्यार्थ्यांना अधिकृत प्रमाणपत्रही प्रदान करण्यात येणार आहे.
या प्रशिक्षण कार्यक्रमाच्या उद्घाटनप्रसंगी सागर महादेवराव तुमसरे यांनी सांगितले की, “तुमसरे इलेक्ट्रिकलच्या पुढाकारामुळेच हे प्रशिक्षण शक्य झाले असून, विद्यार्थ्यांच्या उज्ज्वल भविष्यासाठी अशा संधी सतत उपलब्ध करून देण्याचा आमचा प्रयत्न राहील.”
कार्यक्रमास या वेळी विशाल अतकरी, पंडीत बाबळे, दर्शन शेंडे, रुशिकेश येवले आदी उपस्थित होते. प्रशिक्षणास सहभागी एकूण ३५ विद्यार्थी उपस्थित होते.
