गुन्हे शाखा तोड्या करण्यात व्यस्त, वाळू तस्करी, वरली मटका,जुगार व अविद्य दारू सर्रास चालू
गुन्हेशाखेतील कर्मचाऱ्यांच्या मोबाईलवर रेती वाहतूक करणाऱ्या हायवा टीप्पर ट्रॅक्टरचे जीपीएस कशासाठी
News Today
दिलीप भोयर
वणी :- येथील पोलिस स्टेशनची गुन्हे नियंत्रण शाखाच चक्क गुन्हेगारांचा अड्डा बनली आहे. वाळू तस्कातीतून गुन्हे शाखेतील पोलिस कर्मचाऱ्यांनी लाखोंची माया जमवली असून शहरातील विविध ठिकाणी मोठ्या प्रमाणात वरली मटका , जुगार व अवैध दारू विक्री जोमात सुरू असताना गुन्हे शाखेच्या डोळ्यावर चिरीमितीची पट्टी बांधलेली आहे.
केंद्र व राज्यातील सत्तेत असलेल्या शिवसेना शिंदे गटाचे स्व. ललित लांजेवार यांचा हृदय विकाराच्या झटक्याने मृत्यू झाला असला तरी हा मृत्यू वणी पोलिस स्टेशनच्या गुन्हे शाखेतील पो. कॉ. विकास धडसे यांनी जातीवाचक गुन्ह्यात अडकविण्याची धमकी दिल्यामुळे हा हृदय विकाराचा झटका आला व त्यात त्यांचा मृत्यू झाल्याचा आरोप ललित यांच्या पत्नी श्रीरंगा लांजेवार यांनी दिलेल्या तक्रारीत केला आहे.
पोलिसांची गुन्हे नियंत्रण शाखा ही त्यांच्या हद्दित येणाऱ्या गुन्ह्यांवर नियंत्रण ठेवण्यासाठी व प्रलंबित गुन्ह्यांचा शोध लावण्यासाठी कार्यरत असते. तसेच नव्याने गुन्हा घडू नये यासाठी सतर्कता ठेवून असते. परंतु वणी पोलिस स्टेशनची ही गुन्हे नियंत्रण शाखा चक्क गुन्हेगारांचा पायंडा पाडून यातील सर्व कर्मचारी खुलेआम तोड्या करताना दिसून येत आहे.
शहरातील विविध भागात वरली मटका चालू असून त्यांचेकडून एक कर्मचारी १२ ते १५ हजार रुपयाचे मासिक हप्ता घेत असल्याची धक्कादायक माहिती समोर आली आहे. तसेच पोलिस विभागाला देखील लखो रुपये मोजल्या जात असल्याचे आरोप होत आहे. येवढेच नाही तर काही कर्मचाऱ्यांनी वाळूची तस्करी करण्यासाठी हायवा टीप्पट व ट्रॅक्टर दुसऱ्यांच्या नावावर घेवून पोलिस पेट्रोलिंग ने वाळू तस्करी केल्या जात आहे.
या वाळू यास्करिकच्या वाहनांना लागणारे जीपिएस सिस्टीम त्यांनी स्वतःच्या मोबाईल मध्ये अत्यवत करून ठेवले आहे. वर्धा नदी, विदर्भ नदी, नीर्गुडा नदी व पैनगंगा नदीच्या पात्रातून सर्रास जेसिपी लावून रात्रीच्या वेळी टीप्पर व ट्रॅक्टर भरून वाळूचा उपसा केल्या जात आहे. नदीच्या घाटावरून वाहन निघताच एक पोलिस कर्मचारी वाहनाने समोर पेट्रोलिंग करीत असतो तर मागून वाहनात वाळू भरून वाहने चालवल्या जात असल्याची माहिती आहे.
स्व. ललित लांजेवार यांनी वाळू तस्करीत अडकलेल्या पोलिस कर्मचाऱ्यां संदर्भात चौकशीची मागणी केली असता त्यांना खोट्या जातीवाचक गुन्ह्यात अडकवण्याची धमकी दिली व त्या धमकीची धास्ती घेवून ललित यांना हृदय विकाराचा झटका आला अशी तक्रार त्यांच्या पत्नीने केली आहे.
वाळूची तस्करी शहरात मोठ्या प्रमाणात चालू असून महसूल विभाग देखील हातावर हात देवून गप्प बसला आहे. त्यामुळे शासनाच्या करोडो रुपयाचा कर पाण्यात जात असून महसुलाचे अधिकारी व पोलीस मतवाल होताना दिसून येत आहे. गुन्हे शाखेतील काही पोलिस कर्मचाऱ्यांनी शहरात लाखो रूपयाचे बंगले देखील बुक करून घेल्याची माहिती समोर आली आहे. या वाळू तस्करांवर कारवाई करणार तरी कोण ? कारण यातच पोलिस गुन्हेगारीच्या पिंजऱ्यात अडकले आहे.
